Oiartzun areto futbol taldeak laugarren postura salto egin du
Zaldibin lortutako garaipenak, eta arerioen hutsek sailkapenaren goiko aldera igotzen lagundu ditu; beste areto futbol taldeek emaitza onak lortu dituzte
Asteburu ona izan da herriko areto futbol taldeentzat. Lehenengo Mailako taldeak —Oiartzun Kirol Elkarteak— Zaldibian irabazi zuen ostiralean, eta arerioen hutsei lotuta, laugarren postura jauzi egin dute, xorro-xorro.
Bigarren Mailan ere, herriko taldeek emaitza onak lortu zituzten. Miren Taberna golez mozkortutako partida batean nagusitu zen, maila mantentzeko borrokan ari den arerio baten kontra. Power Rangersek, berriz, puntu bat urratu zuen Leitzan. Puntuak meritu handia du, Aurrera sailkapeneko lider baita.
Futbolari dagokionez, nesken lehen taldeak Añorgan berdindu zuen, eta mutilenak, berriz, liderraren etxean galdu zuen, gol bakarreko aldeagatik.
FUTBOLA
Emakumeen Bigarren Maila- Añorga-Oiartzun: 2-2.
- Ordizia-Oiartzun: 1-0.
- Mariño-Oiartzun B: 1-1.
- Oiartzun B-Ostadar: 1-0.
- Oiartzun-Axular: 3-0.
ARETO FUTBOLA
Gizonen Gipuzkoako Lehen Maila- Teilatuberri Zaldibi-Oiartzun: 3-5.
- Miren Taberna-Laskorain: 8-6.
- Aurrera-Power Rangers: 2-2.
SASKIBALOIA
Gizonen Gipuzkoako Lehen Maila- STL Azkune-Oiartzungo Saskilagunak: 71-38.
