Bioaniztasunak eta kulturak eskua elkarri emango diote, Elikari esker

Datorren larunbaterako hitzaldiak, Makutso baserriko lurretara bisita eta babarrun jatea antolatu ditu Oiartzungo kooperatibak

Erik Gartzia

Oiartzun

2018/03/13

Jakoba Errekondo, mikroarekin, Elikaren aurkezpenean. Larunbaterako ere gonbidatu dute.

Elika kooperatibak orain dela urtebete pasatxo hasi zuen bere ibilbidea. Makutso baserriaren lurretan egiten dute lan, baina datorren larunbatean hango baratzetik —momentu baterako bada ere— atera eta egun pasa interesgarria antolatu dute. Hitz jokoa eginez, Jakituriak. Bioaniztasunaren eta kulturaren arteko elkarrizketak izena jarri diote larunbatean antolatutakoari. Hitzaldiak, artea, lurra eta gastronomia nahastuko dituzte, hainbat ekitalditan. Honakoa izango da egitaraua:

11:00etan: Euskal Herriko bioaniztasuna, jaten dugun lurra, Jakoba Errekondoren eskutik. Pleno aretoan.
12:00etan: Baserritarrak. Eneko del Amo eta Marc Badalen arteko elkarrizketa. Bitartean, Ainara Lasa Perezek sorkuntza lan bat egingo du. Pleno aretoan.
13:00etan: Makutsoko baratzera bisita.
14:00etan: Bazkaria. Babarrun jatea, Girizia elkartean. Bazkideek bost euro ordaindu beharko dituzte, eta ez direnek, hamar. Haurrek ez dute ordaindu beharko. Izena emateko Elikara idatz daiteke, whatsappeatu (644 752 437) edo Makutsoko Elikaren lurretatik pasa.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.