Kirol Asteak proposamen interesgarriak eskaintzen jarraitzen du

Ameriketan zehar egindako bizikleta zeharkaldia, raketistei buruzko dokumentala eta Alex Txikonen hitzaldia, gaur, bihar eta etzi

Erik Gartzia Egaña

Oiartzun

2018/03/13

koldo zubizarreta ainhoa perez de nanclares

Koldo Zubizarreta eta Ainhoa Perez de Nanclaresek Ameriketan egindako zeharkaldiaren berri emango dute.

Oiartzungo Kirol Astearen hirugarren ekitaldiak gauza interesgarri asko eskaintzen jarraitzen du. Kirol diziplina ezberdinak bertatik bertara ezagutu edota probatzeko aukera egongo da datozen egunetan. Horrez gain, balentriak egin dituzte kirolarien testigantzak entzuteko aukera egongo da. Gaur arratsaldean, Ameriketan zeharkaldia egin duten Ainhoa Perez de Nanclares eta Koldo Zubizarretaren kontuen berri emango duen ekitaldia eskainiko dute. Ostegunean, berriz, Alex Txikon bizkaitarrak hitzaldia emango du. Bihar arratsalderako, berriz, Jon Juanes eta Ainhoa Palomo oiartzuarrek raketistei buruz egindako dokumentala ikusteko aukera egongo da. Geratzen diren ekitaldien egitarau osoa hemen behean ikus daiteke. Gaur:

17:00etan, zirkuitu bio-osasungarriko gailuen erabilerari buruzko tailerra, Txara parkean.
13:30etik 15:45era, Ciclo indoor probatzeko ate irekiak, Elorsoro kiroldegian.
18:00etan, hip-hop erakustaldia, Kontzejupean.
19:00etan, Ameriketan bizikletan emanaldia, Ainhoa Perez de Nanclares eta Koldo Zubizarretaren eskutik, udaletxeko areto nagusian.

Bihar

13:30etik 20:45era, ciclo indoor probatzeko ate irekiak, Elorsoro kiroldegian.
16:45ean, gimnasia akrobatiko erakustaldia, Kontzejupean.
17:00etan, bizikleta mekanika eta ginkana, Beheko Plazan.
18:00etan, mendi buelta korrika, LH3tik DBH 2. mailako haurrentzat, Haurtzaro Ikastolatik.
19:00etan, Raketistak lehen eta orain dokumentalaren emanaldia eta mahai-ingurua, udaletxeko areto nagusian.

Etzi

11:00etatik 17:00etara, zirkuitu bio-osasungarriko gailuen erabilerari buruzko tailerra, Txara parkean.
13:30etik 15:45era, ciclo indoor probatzeko ate irekiak, Elorsoro kiroldegian.
18:00etan, zumbakids saioa, Doneztebe plazan.
19:00etan, Everesteko gailurra neguan eta oxigenorik gabe igotzeko saiakerei buruzko hitzaldia Alex Txikonekin, udaletxeko areto nagusian.

Hilak 16, ostirala

18:00etan, herri kirol jardunaldia, Done Eztebe plazan.
20:00etan, III. Kirol Sariaren ekitaldia eta Oiartzungo kirolarien mahai-ingurua: Artaso Elkartea (sokatira), Egoa Alvarado (crossfit), Oiarpe (pilota) eta Jon Otegi (sega).

Hilak 17, larunbata

09:00etan, mendian korrika, Uztapide plazatik abiatuta.
16:00etan, palaz eta eskuz, Kirol Asteko Txapelketako finalak, Haurtzaro Ikastolako pilotalekuan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.