Gari Garaialderen argazkien erakusketa, Herri Musikaren Jardunaldiak berotzeko

Datorren ostiralean inauguratuko dute argazkilariaren erakusketa; ekitaldi gehienak hurrengo asteburuan egingo dituzte, emakumearen eragina aztertzeko

Erik Gartzia

Oiartzun

2018/03/14

Gari Garaialderen erakusketaren kartela.

Herri Musikaren Txokoak egitarau polita osatu du hurrengo astebururako. Izan ere, orduan egingo dituzte, hamazazpigarren aldiz, Herri Musikaren Jardunaldiak. Aurtengo ekitaldian emakumeak izango dira protagonista. Zehazki, herri musikan eta kultura popularrean izan duten eragina izango dute aztergai. Hilaren 24 eta 25ean izango dira ekitaldi gehienak. Datorren ostiralean, hilak 16, Gari Garaialde argazkilari hondarribiarraren Emakumeak maskapean erakusketa inauguratuko dute, 19:00etan. Hamar egunez ikusteko aukera egongo da, udaletxeko pleno aretoan. Honakoa izango da Herri Musikaren Jardunaldien egitarau osoa: Hilak 16, ostirala

19:00etan: Argazki erakusketaren aurkezpena, Gari Garaialderekin. Pleno aretoan.

Hilak 24, larunbata

09:30etik 13:30era: Mintegia, pleno aretoan. Aurkezpena: Iosune Cousillas (Kultura zinegotzia) eta Emilio Xabier Dueñas (Soinuenea-Lan Taldeako kidea). Lau hizlarik hartuko dute parte:
- Aingeru Bergices: La panderetera: una grieta en el Patriarcado / Una visión de Género desde la Iconografía, la Organología y la Sociabilidad popular (1850-1936).
- Gurutze Lasa: Emakumearen irudikatzea XX eta XXI. mendeetako Trikitixan.
- Oier Araolaza: Emakumea euskal dantzan: Aurreskua dantzatzen ez zuten poxpolinak.
- Karine Etxeberri: Sorkuntza eta generoa, herri kantagintzan.
14:00etan: Bazkaria, Ibargain elkartean. (Prezioa: 10 euro)
15:30etik 19:30eta: mintegia eta mahai ingurua pleno aretoan.
- Carme Campo eta Chus Carames: Andar cos tempos, Itziar Navarrok moderatuta.

Hilak 25, igandea

11:00etan: Argazki erakusketa gidatuta, Gari Garaialderekin, pleno aretoan.
12:00etan: Dantza plazan, Alkarkide Txarangarekin, Done Eztebe plazan.
14:30ean: Bazkaria Ibargain elkartean. (Prezioa: 10 euro).

Ekitaldietara joan nahi izanez gero, Soinuenea Fundaziokoek esan dute aldez aurretik eman behar dela izena, antolaketa lanak errazteko. Horretarako mezu elektroniko bat idatz daiteke, edo 943 49 35 78 telefono zenbakira deitu.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.