Jubilatu eta pentsionistak antolatzen hasi dira, Oiartzunen ere bai

Duintasuna elkartearen Oiartzungo taldearen bigarren bilera egingo dute, hilaren 22anhttp://oarsoaldea.hitza.eus/2018/03/14/jubilatu-eta-pentsionistak-antolatzen-hasi-dira-oiartzunen-ere-bai/

Erik Gartzia Egaña

Oiartzun

2018/03/14

Jubilatu eta pentsionistak hilero-hilero mobilizatzen dira.

Botere guneetatik errepikatzen ari direnez, krisi ekonomikoa atzean gelditzen ari da. Hala ere, murrizketek jarraitzen dute. Galde diezaiotela, bestela, jubilatu eta pentsionisten kolektiboari. Aurten %0,25eko igoera izan dute euren pentsioek, eta Espainiako Gobernuaren kontrako haserrea azaleratzen ari dira. Hala ere, urteak dira mobilizazio dinamika bat aurrera eramaten ari direla, euren eta euren seme-alaben eskubideen alde. Duintasuna elkartea da eragileetako bat. Hileko lehen astelehenero mobilizatzen dira, Errenteria-Oreretan. Bertara oiartzuar asko joaten da, baina orain Duintasuna elkartearen egitura egonkorra osatzen hasi dira herrian. Horregatik, Duintasuna elkartearen Oiartzungo taldea bigarren aldiz elkartuko da. Hilaren 22an, osteguna, izango da, Manuel Lekuona bibliotekan, 19:00etan hasita. Lehenago beste zita bat izango dute. Datorren larunbatean, hilak 17, jubilatu eta pentsionistak mobilizatzera deitu dituzte. Errenteria-Oreretan 18:00etan elkartuko dira, Herriko Plazan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.