Lanin egitasmoaren barruan, langileak hasi dira euskara klaseak hartzen

Lurauto enpresako langileak dira eskolak hartzen hasi direnak; bi taldetan banatuta daude, eta lantokian bertan ikasten dute

Erik Gartzia Egaña

Oiartzun

2018/03/16

Lantokian bertan hasi dira eskolak jasotzen.

Oiartzungo enpresa txiki eta ertainak euskara normalizatzeko helburua duen Lanin egitasmoak bere bidea egiten jarraitzen du. Lehenengo langileak hasi dira euskara klaseak jasotzen. Makarraztegi poligonoan dagoen Lurauto kontzesionarioko hamar langile dira lehen ikasleak, udalaren beka sistemak lagunduta. Lantokian bertan jasotzen dituzte eskolak. Bi taldetan banatuta daude, euskara mailaren arabera. Ia ezer ere ez dakitenak daude talde batean, eta hobeto moldatzen direnak bestean. Euskara ikastera animatu diren merkatariekin —Alhambra tabernakoekin eta Stock Factorykoekin— osatzen dute taldea. Ane Hormaza Intxixu-AEK-ko irakasleak da klaseen arduraduna.

Lanin, Lanbarrenen

Lanin egitasmoa enpresa txiki eta ertain gehiagotara iristen ari da. Datorren astetik aurrera, Lanin egitasmoko dinamizatzaileek bisitak egingo dituzte, Lanin-en zerbitzuen berri emateko. Aurretik, enpresa guztiei gutuna bidaliko diete. Euren enpresetan euskararen erabilera gehitu eta normalizatzeko interesa duen enpresekin hasiko dira lanean.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.