Maialen Oiartzabal, slopestyle skiko Espainiako txapelduna

Sierra Nevadan egin ditu eskien gaineko akrobazia onenak; adinez Junior Mailakoa den arren, absolutuetan nagusitu da

2018/04/03

Paul eta Maialen Oiartzabal, Sierra Nevadan lortutako dominak erakusten [Argazkia: @oiarmendi].

Asteburu bikaina izan da Oiartzungo kirolari gazteentzat. Eta ez txirrindularientzako bakarrik: slopestyle skian —edo ski akrobatikoan— Maialen Oiartzabalek urrezko domina lortu du. Asteburuan jokatu dituzte diziplina horretako Espainiako Txapelketak, Sierra Nevadan (Andaluzia). Oiartzuarra, adinarengatik Junior Mailakoa izan arren, absolutuen artean nagusitu da. Urrezko domina zintzilikatzen duen bigarren aldia izan da. Horrez gain, denboraldi bikaina egiten ari da Maialen Oiartzabal: 2018an Europan zehar parte hartu duen sei txapelketatan hirugarren eta bosgarren postuetan bukatu du. Bere anaia Paulek, berriz, Haur Mailako txapelketan parte hartu zuen. Bera ere oso ongi aritu zen, brontzezko domina lortu baitzuen. Oiartzungo kirolak etorkizuna ziurtatuta dauka.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.