Lezoko ikasleak, zarataren atzetik

Zarataren gaia lantzen ari dira Lezoko ikastetxeetako ikasleak Eskola Agenda 21en barruan. Landutakoa hautetsiei helaraziko diete ikasturte bukaeran.

Urko Etxebeste Petrirena

Lezo

2018/04/04

Landutakoaren ondorioak ikasturte bukaeran helaraziko dizkiete ikasleek udal ordezkariei.

Eskola Agenda 21en barruan, zarataren gaia lantzen ari dira Lezoko ikasleak. Lezo Herri Eskolako, Institutuko eta Pasaia-Lezo Lizeoko gaztetxoen zeregina izaten ari da herrian dauden zarata guneen berri jaso, horrek pertsonengan duen eraginaz gogoeta egin, eta proposamenak lantzea. Horretarako hainbat baliabide eta jarduera ari dira egiten. Behin egindako lanaren ondorioak ateratzen dituztenean, udalarekin partekatuko dituzte horiek guztiak udal ordezkariekin batera egingo den foroan. Horiei erantzuna emateko epea pasata, berriz ere bilduko dira hautetsiak ikasleekin, ea zein neurri har daitezkeen aztertzeko. Iazko ikasturtean antzerako prozesua burutu zuten, kasu hartan mugikortasun iraunkorraren gaiarekin. Prozesua Hasteko, ikasleek euren ikastetxeetan zarataren egoera eta iturriak zein diren aztertu dute, besteak beste, sonometro baten laguntzarekin. Kalean ere egin dituzte neurketak, herrian, eta hainbat irteera eginez. Bide horretan hainbat euskarri sortu dituzte, tartean bideoak, irrati saioa, edo musika eta soinua lantzeko tresnak. Irteeretan, zarataren gaiaz gain, beste hainbat lantzeko aukera izan dute. Hala, DBHko ikasleek bizikleta martxa egin zuten Lezotik Oiartzungo Arditurrira bertako interpretazio zentroa eta meatze gunea ezagutzeko; Herri Eskolako Lehen Mailako ikasleek, aldiz, Añarbeko araztegia ezagutu zuten uraren kontsumoaren gaineko gogoeta bultzatuz haiengan; Pasaia-Lezo Lizeoko ikasleek ere egin zuten irteera, Iturraran parketxera, ogia egiten ikasi eta bertako soinuak identifikatzera.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Lezoko ikasleak, zarataren atzetik

Gipuzkoa

Alokairu kontratua amaituta etxetik egotzi nahi dituzten hamahiru familiaren egoeraz ohartarazi du Kaleratzeak Stop plataformak

Tabuak kutxatik aterata, giro ederrean ospatu dute Inurri Eguna Usurbilen

Nazioarteko artistak eta euskal musikariak izango dira Boga Boga jaialdian

Joseba Zalakain izango da Gipuzkoako Zainketen eta Gizarte Politiken Ebaluaziorako Agentziako zuzendaria

EH Bilduren Gipuzkoako Mahai Politikoak Maddalen Iriarte proposatu du ahaldun nagusirako hautagai izateko

Ertzaintzak zaintza kameren grabaketak eskatu dizkie Azpeitiko saltokiei, hiltzailea aurkitzeko lagungarri izanen direlakoan

Ertzaintzak Azpeitiko hainbat etxebizitza miatu ditu, baina ustez taxilaria hil zuen susmagarria aurkitu ez

Gipuzkoako Foru Aldundiak politika publikoek pertsonen bizi kalitatean duten eragina neurtzeko agentzia bat sortu du

Etxe baten usain goxoa

Elkartasuna «kriminalizatzea» leporatu dio Donostiako Harrera Sareak Insaustiri

Gipuzkoako Artzain Eguna irailaren 6an egingo dute, Legazpin

Naomi Watts aktoreak ere jasoko du Zinemaldiaren Donostia saria aurten