Hilaren 14an Euskal Herriko bederatzi ekoizleren garagardoak probatzeko aukera egongo da, Antxoko Gure Zumardian
Aurtengo Antxoberfesti buruzko xehetasunak emango dituzte hilaren 14an.
Oraindik apirila da, baina maiatzari begira jarri dira Antxon. Zehazki, Antxoberfesten antolatzaileak. Izan ere, hilaren 14an aurkeztuko dute garagardo festaren zazpigarren ekitaldia. Egun horretan garagardorik ez da faltako, eta Antxoko Gure Zumardia Municheko Theresenwiese txiki bat bihurtuko da, 11:30etik 14:30era eta 17:00etatik 20:00etara. Hori bai, protagonistak Euskal Herriko artisau garagardoak izango dira, hirugarren aldiz egingo baitute Artisau Garagardo Erakusketa.
Antxoberfesten antolatzaileek beren
facebook orrialdean iradokitzen dutenez, Antxoko garagardo propioa aurkez dezakete egun horretan. Onena bertara joan eta bertatik bertara ikustera (edo probatzera) izango da. Honakoa da ziur egongo diren bederatzi garagardoen zerrenda:
- Mattinada (Errenteria-Orereta).
- Brew&Roll (Barañain, Nafarroa).
- Garagart (Gasteiz).
- Boga (Mungia, Bizkaia).
- Sesma (Sesma, Nafarroa).
- Drunken Bros (Bilbo).
- La Txika de la Cerveza (Bilbo).
- Baobeer (Elgeta, Gipuzkoa).
- Morlaco Beer (Mutiloabeiti, Nafarroa).
