'Habian Tek Soziala', behar sozialei erantzuten dieten egitasmoentzako
Datorren ostegunean, hilak 12, aurkeztuko dute Oarsoaldearen proiektu berria; ekonomia sozialari buruzko ikastaroa eskainiko dute baita ere
Habian! Tek Soziala izeneko proiektua aurkeztuko dute datorren ostegunean, hilak 12, 10:00etan hasita. Oarsoaldea Garapen Agentziak Oiartzungo Mamut eraikinean dituen bulegoetan izango da, egitasmoak hor hartuko baitu ostatu.
Gainera, sektore sozialak eskaintzen dituen enplegu eta ekintzailetza aukerei buruz ariko dira ekitaldi berean. Enpresa, erakunde eta ekintzaileak diren herritarrei zuzenduta egongo jardunaldi hori. “Kezka sozialak dituztenak eta behar sozialei erantzun bat emango dieten ekintzailetza proiektuak garatzeko interesa dutenak, zehazki”, gaineratu du garapen agentziak.
‘Habian! Tek Soziala’
Habian! Tek Soziala proiektua Oarsoaldeak sustatu du, aldundiaren laguntzarekin. Ekintzailetza eta berrikuntza sozialarekin lotutako proiektuak sustatzea du helburu, baina beti ere teknologia izan behar dute oinarri. Gisa horretako egitasmoak dituzten 10-15 pertsona trebatuko dituzte, prestakuntza programa baten bitartez, eta horien artetik bi hautatuko dituzte. 8.000 euroko diru laguntza emango diete proiektu horiei. Horrez gain, tutoretza jarraipena izango dute eta Habian!-en egoteko aukera izango dute. Parte hartu nahi dutenek lehenago eman behar dute abisua. Horretarako 943 49 41 29 telefono zenbakira deitu behar edo, edo mezu elektronikoa idatzi.
