Ehunka lagunek adierazi diete babesa Errazkini eta Intxaurrandietari Azpeitian
Ainhoa Intxaurrandieta eta Iñaki Errazkini babesa emateko manifestazioa egin zuten larunbat arratsaldean Azpeitiako kaleetatik zehar.
Larunbateko manifestazioaren irudi orokorra.
Ainhoa Intxaurrandietari OARSO BIDASOKO HITZAn egindako elkarrizketa.
Duela hilabete hasi ziren larunbateko mobilizazioa antolatzen, eta bi auzipetuenganako elkartasun aldarriak Azpeitian “babes zabala” izan duela azpimarratu zuten haren sustatzaileek. Hain zuzen, herri horretako hemezortzi taldek babestu zuten manifestazioa. Errazkini eta Intxaurrandietari egin nahi dietena “larria” dela uste dute denek: “Larria da egin nahi dutena, larria da egiten ari direna. Kaleak hartu eta presioa antolatzea beharrezkoa sentitu dugu egoera honen aurrean”. Horregatik, kalera irten ziren larunbatean, Iñaki eta Ainhoarekin elkartasuna, alternatibak badaude lelopean. 18:30ean hasi zen mobilizazioa Azpeitiko plazatik, eta leku berean amaitu zen. Bertan hitza hartu zuen herri mugimenduko kide batek, mobilizazioa babestu zuten eragile guztien izenean.Ainhoa Intxaurrandieta eta Errazkini babesa agertu diete ere Lezon.
Haien ustetan “eredu kapitalistak alternatibak izan ditzakeela erakustea” zigortu nahi du Gipuzkoako Foru Aldundiak: “Errauskailuaren atzean itzeleko interes ekonomikoak egon dira hasieratik, eta interes ekonomiko horien atzean enpresari, politikari, banku eta komunikabide boteretsuak daude. Horien guztien interesak kolokan jartzea epaitu nahi du aldundiak”. Manifestazioaren deitzaileek uste dute “gizarte ereduen arteko talka” dagoela hondakinen gatazkaren jatorrian: “Alde batean daude kapitala metatzea helburu nagusi dutenak, horretarako natura ustiatu eta pertsonen osasunari kalteak eragiteko erreparorik ez duten horiek guztiak. Aurrean gauzkate gu, lurra eta bizitza erdigunean jarri nahi ditugunak, hondakinen kudeaketa zentzuzko bat aldarrikatzen dugunak”. “Errauskailuak baditu alternatibak” larunbateko mobilizazioaren deitzaileen aburuz. Izan ere, adierazi dutenez, “Gipuzkoako hainbat herritan lortu diren birziklapen tasek erakusten dute posible dela hondakinak beste modu batera kudeatzea”. Baina “hondakinen kudeaketa eraginkor eta zentzuzko bat lortzeko” herritarren eta erakundeen “konpromisoa areagotzea beharrezkoa” dela azpimarratu dute. Horregatik, “errepresioaren forma ezberdinen aurrean elkartasuna antolatuz, eta aldaketarako indarra eginez” jarraituko dutela adierazi dute. Errauskailua gelditzeko erabakia “bururaino” eraman zutelako bi auzipetuei eskerrak emanez bukatu zuten hitzartzea herriko eragileek. Hartutako erabakiaz “harro”
Errazkin eta Intxaurrandieta, manifestazioa bitartean.
