Mutilen txapelketako hurrengo kanporaketan egongo da bikotea, asteburuko partida irabazita; nesketan ere hasi dira sailkatzen
Zutik, Eizmendi II, Eizmendi I, Bengoetxea epailea, Ontsalo eta Murua. Makurtuta, Imaz I, Imaz II, Balerdi, Urdangarin, Retegi eta Izkue.
Atsedenaldiaren ondoren, Euskal Herriko Pala Txapelketa Irekia pasa den asteburuan bueltatu da. Hamalau partida jokatu dituzte Madalensoron, 11 gizonenak eta hiru emakumeenak. Mota guztietako partidak ikusteko aukera egon zen, orekatuak eta aldea nabarmenagoa izan zena.
Gizonetan, Bigarren Mailan, Mitxelena eta Berebide oiartzuarrek hurrengo faserako txartela lortu zuten, Biana eta Aztiriari 25-20 irabazita. Eurekin batera pasatu dira Arregi-Manterola eta Urruti-Madariaga.
Lehen Mailan, berriz, Larralde-Inda, Antxordoki-Telletxea eta Salaberria-Huegunek aurrera egitea lortu dute. Maila baxuenari dagokionez, Arregi-Urreaga, Garbisu-Martinez, Agirre-Mendigain eta Luixa anaiak izango dira hurrengo fasean arituko direnak.
Nesken sailkapen ligaxkan, Aiako Eizmendia ahizpek partida lehiatua irabazita lortu zuten kanporaketan parte hartzeko eskubidea, Altzoko Murua eta Ontsalori irabazita. Hurrengo fasean presente izango dira, eizmendiatarrekin batera, Balerdi eta Urdangarin. Asteburuko emaitzak ikusteko,
sakatu esteka honetan. Datorren asteburukoak ikusteko, berriz,
sartu helbide honetan.
Eskuz, seitik hiru
Oiarpeko pilotariek, berriz, zazpi partida jokatu dituzte asteburuan. Seitik hirutan nagusitu ziren oiartzuarrak (beste partida klubeko bi bikoteren artean jokatu zuten). Emaitzak guztiak ikusteko,
sartu hemen.
