Elkarretaratze zaratatsuak ostegunean Intxaurrandietaren eta Errazkinen alde

Ainhoa Intxaurrandieta lezoarra eta Iñaki Errazkin azpeitiarra ostegunean epaituko dituzte Madrilgo Kontu Auzitegian, errauste planta geldiarazteagatik.

Urko Etxebeste

Errenteria-Orereta,Lezo,Oiartzun,Pasaia

2018/04/10

Errazkin eta Intxaurrandieta, larunbateko manifestazioa bitartean.

Ostegunean (apirilak 12) epaituko dituzte Madrilen Ainhoa Intxaurrandieta Gipuzkoako Hondakinen Kontsortzioko (GHK) lehendakari ohi lezoarra, eta Iñaki Errazkin Ingurumen diputatu izandako azpeitiarra Madrilgo Kontu Auzitegian. Euren kontra, egungo GHK-k jarritako salaketa aztertuko dute, 2013an errauste plantaren lanak geldiarazteagatik. Erabaki horrek eragindako kalte ekonomikoa Errazkinek eta Intxaurrandietak beren gain hartzea nahi du GHK-k –gaur egun EAJk eta PSE-EEk dute gehiengoa–, eta horrenbestez, 40 milioi euro baino gehiagoko zigorra eskatzen dute bi auziperatuentzat. Lezoarrari eta azpeitiarrari babesa adierazteko, ostegunean bertan, elkarretaratze zaratatsuak egingo dituzte Gipuzkoako herrietan, tartean, Oarso Bidasokoetan. Hala, Lezon, 19:30ean bilduko dira Gurutze Santuaren plazan EH Bilduk deituta. Gainontzeko herrietan 20:00etarako egin dute deia, plaza nagusietan, kasu horietan Gipuzkoa Zutik plataformak deituta. Zarata egiteko gailuak eraman ditzatela eskatu diete mobilizazioetan izango direnei. Aurretik elkartasun keinuak jaso dituzte bi auzipetuek, horien artean larunbatean Azpeitian egindako manifestazioa, edo Lezon hainbat hautetsi eta hautetsi ohik egindako agerraldia.

+ Ainhoa Intxaurrandietari elkarrizketa HITZAn.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.