Etxebizitza alokatzen dutenek zein maizterrek onurak jasoko dituzte udala eta ASAPi esker

Oiartzungo Udalak etxebizitza hutsen merkatua mugiarazteko onurak emango ditu; OHZn %50eko deskontua jasoko du jabeak

2018/04/10

Mamut eraikinean dago Oiartzungo Etxebizitza Bulegoa, bigarren solairuan.

Oiartzunen 179 etxebizitza huts daude. Horiek merkatura bideratu nahi dituzte, eta Oiartzungo Udalak alokairu sozialeko programa eskaintzen duela gogorarazi dute, ASAP zerbitzuaren bitartez. Etxebizitzen arazoari epe motz eta ertainean erantzun nahi diete. Maizterrek zein etxebizitzen jabeek jasoko dituzte onurak. Etxe bila ari direnen artean, hainbat baldintza bete beharko dituzte. Etxebiden izena emanda egon behar dute, alokairu erregimenean, alde batetik. Bestetik, etxebizitzan bizi direnen diru sarreren %30 baino gehiago ezin diote alokairuari bideratu. Gainera, euren diru sarrerek 12.000 eta 39.000 euro artekoa izan behar du.

Etxejabeei onurak

Etxejabeei hainbat onura eskaintzen dizkie. Oiartzungo Udalari dagokionez, Ondasun Higiezinen gaineko Zergan %50eko deskontua (etxebizitza hutsik edukitzeagatik ordaindu beharko luketen %75 gehigarria beharrean). Gainera, udalak 60 euroko errenta osagarria emango dio 12 hilabetez, Efizientzia Energetikoaren Ziurtagiria lortzeko laguntza (100 eurora arte). Horrez gain, obren lizentzian %95eko hobaria eta berritzeko proiektuaren finantzaketa (3.000€ arte), gutxienez programan 3 urtez egoteko konpromisoaren truke (bost urteko konpromisoa Udalaren berritzeko laguntzak jaso dituztenen kasuan). Bestetik, Eusko Jaurlaritzak ASAP edo Bizigune programetarako aseguru hirukoitza eskaintzen die etxejabeei: ordainketa ezak, hondamenak eta asistentzia juridikorako aseguruen polizak. Abantailak ezagutu eta jarraitu behar diren pausoak zeintzuk diren ezagutzeko, zita hartu behar da Oiartzungo Etxebizitza Bulegoan. 943 494 129 telefono zenbakira deitu behar da (astelehenetik ostiralera 9.00etatik 14.00etara). E-posta bidez ere har daiteke hitzordua.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.