Intxaurrandieta eta Errazkini babesa adierazteko kazola jotzea egingo dute bihar

GHK lehendakari eta Ingurumen diputatu ohiak bihar epaituko dituzte Madrilen; 40 milioi euroko kalte ordainak eskatzen dizkiete

Erik Gartzia Egaña

Oiartzun

2018/04/11

Kazolak astintzeaz gain, kartelada ere egingo dute.

Ainhoa Intxaurrandieta Gipuzkoako Hondakinen Kontsortzioko (GHK) lehendakari ohia, eta Iñaki Errazkin Ingurumen diputatu izandako Madrilgo Kontu Auzitegian epaituko dituzte bihar. Egungo GHK-k jarritako salaketa aztertuko dute. Lezoarrak eta azpeitiarrak 2013an Zubietan egun eraikitzen ari diren errauste plantaren lanak gelditzeko agindua emateagatik. Intxaurrandieta eta Errazkini 40 miloi eurotik gora bere gain hartzeko eskatu du GHK-k, agindu horrek sortutako kalteak direlakoan. Bi auzipetuei babesa emateko kazola jotzea eta kartelada deitu dituzte bihar arratsalderako, Oiartzunen. 20:00etan geratuko dira, Done Eztebe plazan.

“Eskandalua”

Biharko mobilizazioa antolatu dutenen ustez, bihar hasiko den epaiketa eskandalu handi bat da. “Gaur egun Gipuzkoako Foru Aldundian eta GHKn agintzen dutenek —EAJ eta PSOEko buruzagiek—, PPren laguntzarekin, mezu garbia eman nahi digute. Gipuzkoan benetan agintzen dutenek, bi alderdi horiek eta enpresa handien jabeek, inori ez diotela utziko beren erabakiak atzera botatzen. Berdin dio hauteskundeak nork irabazi; edozein mendeku hartzeko kapaz dira”, esan dute. Horregatik, esker ona eta elkartasuna ematera deitu dituzte herritarrak, eta Intxaurrandieta eta Errazkin bakarrik ez uztera.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.