EkoFish 2018 proiektuaren barruan egindako lanak aurkeztuko dituzte ikasleek

Mater ontziak itsasoko hondakinen arazoan sentsibilizatzeko egitasmoan parte hartu dute Haurtzaro eta Elizaldeko DBH3ko ikasleek

Erik Gartzia

Oiartzun

2018/04/12

San Pedron lehorreratuta egon ohi den Mater ontziak bultzatu du proiektua.

Pasaiako Mater itsasontziak EkoFish 2018 proiektua martxan dauka, itsasoko hondakinei buruz sentsibilizatzeko eta, ahal den moduan, desagerrarazteko. Euskal Herriko lau ikastetxerekin elkarlanean ari dira, tartean Oiartzungo Elizalde Institutua eta Haurtzaro Ikastola. Elizalde Institutuko DBH3ko ikasleek, datorren igandean, eurek sortutako proiektuak aurkeztuko dituzte udaletxeko pleno aretoan, 12:00etatik aurrera. Euren lanak bukatu dituzte, eta herritarrekin partekatu nahi dute eurek egindakoa. Hasieran, proiektuaren filosofia aurkeztuko dute, eta ondoren, gela bakoitzeko ordezkariek beren proiektua aurkeztuko dute. Oiartzuar guztiak gonbidatu dituzte. “Gazteak, beste behin, hondakinen murrizketan eredu izan dira, eta haiengandik badago zer ikasia”.

Plastiko kopurua, handitzen

Itsas hondakin kopuruaren %80a plastikoa da. Hondakin horiek itsas ekosistemarentzat arazo larria suposatzen dute, baita gizakientzat ere, elikadura katea mikroplastikoz kutsatuta ageri delako. Gaur egun, ikerketa zientifikoek dioten moduan, planktona baino mikroplastiko gehiago dago itsasoan. Orain arteko kontsumo ohiturak jarraituz gero, 2050 urterako arrainak baino plastiko gehiago egongo dela ohartarazi dute.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.