Utopia egi bihurtzeko

Etiopia Utopia Fundazioaren aldeko kontzertu solidarioa emango du Easo abesbatzak igandean, Niessen elkartearen ekimenez.

Ikerne Zarate Gartziarena

Errenteria-Orereta

2018/04/12

Etiopia Utopiaren aldeko kontzertu solidarioa egingo du Easo Abesbatzak.

Easo abesbatzaren doinuek hartuko dute Madalenaren basilika igandean (hilak15) 12:30ean. Solidarioa izango da emanaldia, eta kontzertua doakoa izango bada ere, bertaratzen direnek ekarpena egin dezaten poltsak pasako dituzte amaieran. Diru hori guztia, Etiopia Utopia fundazioak jasoko du Niessen elkartearen iniziatibaz. Gaur aurkeztu dute kontzertua Niessen elkartean Alberto Mendigutxia Niessengo kideak, Imanol Apalategi Etiopia Utopia fundazioko presidente eta sendagileak, Garazi Montuschy fundazioko proiektuen arduradunak, eta Andoni Agirregomezkorta aktoreak. Azken horrek aurkezle lana egingo du emanaldian. Fundazioaz hitz egin du Apalategik: “Irabazi asmorik gabeko erakundea da Etiopia Utopia fundazioa, eta helburua Tigray eskualdeko, eta hedaduraz Etiopiak, babesgabeenen bizi baldintzak hobetzea”. Horretarako ezinbestekotzat jo du gizartea sentsibilizatzea, “han dituzten arazoak gure jardueraren ondorio direlako”, baita garapen iraunkorreko proiektuak beharrezkoak zorroztasuna eta ezagutzarekin kudeatzea, «betiere Angel Olaranen lana erreferentzia gisa hartuta”. Ura, osasuna, hezkuntza Aste honetan bertan itzuli da Apalategi Tigray eskualdetik. Lurralde pobrea dela esan du, behar handiak dituena, eta fundazioa ura, osasuna, gizarte laguntzan, eta hezkuntza arlotan ari da lanean bertan. Horrekin batera, sentsibilizazioa lantzen du eta horretarako ekitaldiak antolatzen dituzte. Dirua behar dute proiektuak garatu ahal izateko, baita boluntarioak ere, “Tigray eskualdean aritzeko baino, Euskal Herrian lanean jarduteko, bertatik eragiteko”. Duela bederatzi urte abiatu zuten Etiopia utopia fundazioaren ibilbidea eta egun 129 lagun ari dira lantaldean. Beren lanaren onura berriz, 50.000 lagunek jasotzen dute. Uraren arloa garrantzitsua da, eta egiten ari diren lanketaren bidez, Tigray eskualdeko biztanleen elikadura burujabetza bermatu nahi du fundazioak. Kanaberak, ureztapena eta kanalizazioak, putzuak berriro zabaltzen, uraren tratamendua egiten eta urtegiak lantzen ari dira hori lortzeko. Osasungintza arloari dagokionean, Apalategik azaldu du Donostia ospitaleak eta Etiopian erreferentzia den Ayder ospitaleak hitzarmena sinatu dutela, “osasun langileen etengabeko prestakuntzan laguntzen ari gara fundaziotik, ospitaleko kudeaketa hobetzeko neurriak hartzen eta gizartearen osasun kontzientzia sustatzen”. Irribarreak proiektua ere martxan du Etipioa Utopiak, Wukroko erkidegoko osasun odontologikoa hobetzeko. Horiek proiektuetako batzuk baino ez dira. Arazoaren oinarrian berriz, baloreen gainbehera kokatu du Apalategik, “gizarte honetan dirua dago denaren gainetik, eta hori ez da posible. Oinarrizkoa dugu babes soziala, eta ezin ditugu begiak itxi, etorkizuna gizartearen esku dagoelako”. Guztiek kontzertura deitu dute. Igandekoa alea jartzeko modu bat izango da.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Utopia egi bihurtzeko

Gipuzkoa

ELAk salatu du Itasua enpresak dibidenduak hirukoiztu egin dituela azken bost urteetan, baina langileei ukatu egiten dietela soldata igoera

150 hizlari arituko dira ‘Euskal pentsamenduaren ur-jauzia II’ kongresuan

Aurtengo lehen sei hilabeteetan hamasei milioi bidaia egin dira Lurraldebusen, iaz aldi berean baino milioi bat gehiago

Gradu berri bat jarriko dute martxan EHUko Gipuzkoako Ingeniaritza Eskolan hurrengo ikasturtetik aurrera

Merkataritza lokalak etxebizitza bihurtzeko ordenantza aldatuko du Donostiako Udalak

Urriaren 19ko etxegabetzea bertan behera uztea lortu du Saretxek, behin-behinean

Atzo goizaldean Donostian erretako eraikina «agian» osorik eraitsi beharko dutela esan du Insaustik

Hariak jaialdia azaroaren 5etik 15era egingo dute

EH Bilduk salatu du La Cumbreren lagapena ez dela gauzatu lau urteren ostean, Donostiako Udalaren «borondaterik ezagatik»

Donostiako familia bat urriaren 19an etxegabetuko dutela salatu du Saretxe sindikatuak

Maritxu Kajoi gauean adin txikiko batek jasandako sexu erasoagatik gizon bat atxilotu dute Ermuan