Dantzarte, dantzaz asetzeko

Dantzarte antolatu du Errenteriako Udalak beste hainbat eragilerekin batera, eta gaurtik hasita hilaren 29ra arte.

Proyecto Larrua konpainia. Argazkia: Asier Bastida

Dantzarte antolatu du Errenteriako Udalak beste hainbat eragilerekin batera, eta gaurtik hasita hilaren 29ra arte, bere zentzu zabalenean ulertuta, dantza izango da protagonista zikloaren harira antolatu duten egitarau zabalean. Bi lan nabarmendu dituzte, Frisch Companyren El amor no dura para siempre eta Proyecto Larrauren Baserri. Lehenengoa, igandean helduko da Niessen Kulturgunera, eta bigarrena, berriz, hilaren 22an. publikoak gainera, artistekin solasaldia izateko aukera edukiko dute bi ikuskizun horietan, kopa bat ardo lagun Atarian iniziatibari esker. Txikienek ere izango dute dantzarekin gozatzeko aukera. Besteak beste, Imaginartek Paneta K intsalazioa ekarriko du hilaren 27an 1 eta 4 urte arteko haurrei begira. Nazioarteko Dantzaren Egunarekin bat eginez, Mugmus Laborategiak Esku Harriak pieza emango du Herriko plazan. Aurrekoak antolatutako batzuk baino ez dira, master classak, tailerrak, ekialdeko dantzen jaialdia, eta entsegu ireki bat ere izango dira egitarauaren barruan. Egitaraua
  • Gaur, ostirala: Begirada Gurutzatuak Master Class: La Calave, Kukai Dantzak eta Errenteriako Udalak antolatuta eta Kukai Dantza formazioko dantzari gazteei zuzenduta, Dantzagunean 17:30ean.
  • Bihar, larunbata: Sukalderaino Fritsch Companyrekin. Kukai dantzak eta Errenteriako Udalak antolatuta, eta aniztasun funtzionala duten pertsonei zuzenduta. 18:00etan Niessen Kulturgunean. Izena eman behar da.
  • Etzi, igandea: Fritsch Companyren El amor no dura para siempre ikuskizuna, Niessen Kulturgunean 19:00etan, sarrera 8 euro.
  • Hilak 18, asteazkena: Sukalderaino Proyecto Larruarekin, 18:00etan Dantzagunean. herritar orori zuzenduta. Izena eman behar da.
  • Hilak 20, 21 eta 22: Sandantza eta klake tailerra Guillem Alonsorekin Dantzagunean. Izena eman behar da.
  • Hilak 21, larunbata: VIII. Nazioarteko Ekialdeko Dantzen Nazioarteko Jaialdia Niessen Kulturgunean 19:30ean. sarrerak: 10-13 euro.
  • Hilak 23, astelehena: Atalak 2.0 entsegu irekia Edu Murumendiaraz eta Blanca Arrietarekin, 12:00etan Dantzagunean.
  • Hilak 27, ostirala: Imaginarten Planeta K ikuskizuna Niessen Kulturgunean 17:30ean, 18:15ean eta 19:00etan 1-4 urte arteko haurrei zuzenduta. Sarrerak: 3 euro.
  • Hilak 29, igandea: Dantzaren Nazioarteko Eguna. Mugmus Laborategiaren Esku Harriak ikuskizuna Herriko plazan 13:00etan.
 
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.