Garaipen ikusgarria lortu du areto futbol taldeak; tartea txikitzea Oiartzungo beste taldeari esker lortu dute, liderraren etxean berdindu baitu
Elorsoroko kantxan jaun eta jabe izan ziren Power Rangersekoak.
Garaipen sendoa lortu zuen, pasa den ostiralean, Power Rangersek, Elorsoron. Bederatzi gol sartu zizkion Cecilia Fruta Denda Lasarte-Oriako taldeari. Lortutako hiru puntu horiekin, gainera, liderrarengandik —Ostiko Sindikato taberna— lau puntutara jarri dira, liga erregularra bukatzeko lau jardunaldi falta direnean. Hauek izan ziren kiroldegiko sareak ia zulatu zituzten jokalariak: Rober (3), Mitxe (3), Simio (2) eta Liza.
Tarte hori txikitzeko lanetan Bigarren Mailako beste taldeak lagundu zien, Miren Tabernak. Izan ere, hiruna berdindu zuten Ostikoren etxean, Beraunen. Herriko beste areto taldeak —Oiartzunek, Lehen Mailakoa— gol festa eskaini zuen, Anoetari 13-2 irabazita.
Futbolean, nesken eta mutilen futbol talde nagusiek emaitza positiboak lortu zituzten. Neskek Eibarren —hirugarren sailkatua— golik gabe berdindu zuten, eta mutilek garaipen garrantzitsua lortu zuten.
FUTBOLA
Emakumeen Bigarren Maila
Gizonen Erregional Ohorezko Maila
Emakumeen Euskal Liga
- Oiartzun B-Pauldarrak B: 1-1.
Gizonen Erregional Preferentea
Emakumeen Erregional Maila. Gipuzkoako Kopa
ARETO FUTBOLA
Gizonen Gipuzkoako Lehen Maila
Gizonen Gipuzkoako Bigarren Maila
- Power Rangers-Cecilia Frutadenda: 9-2.
- Ostiko Sindikato Taberna-Miren Taberna: 3-3.
SASKIBALOIA
Gizonen Gipuzkoako Lehen Maila
- Oiartzungo Saskilagunak-Soraluze: 44-51.
