Trafikoa eta aparkalekuak "hobetzea" premiazkoa da PSE-EE-rentzat

Aparkaleku falta eta "horrek dakarren zirkulazio nahastea" hobetzea premiazkoa dela esan du PSE-EEk.

2018/04/16

Aparkalekuak eta trafikoa hobetzea eskatu dio PSE-EEk gobernu taldeari. Argazkia: PSE-EE

Aparkaleku falta eta “horrek dakarren zirkulazio nahastea” hobetzea premiazkoa dela esan du PSE-EEk. Gaiaren gaineko politika “argi” bat ez izatea leporatu dio gobernu taldeari, “azken urteetan ez duelako inolako erabakirik hartu arazoa konpontzeko. Aparkatzeko espazioak kendu dituzte, eta ez dituzte alternatibak eskaini”. “Kudeaketa txarra” aipatu du alderdi sozialistak, eta horren adibide EH Bildu eta Errenteria Irabaziz alderdiek (biek osatzen dute gobernu taldea) agintaldi planean aparkaleku libre eta doakoak eraikitzeko konpromisoa hartu zutela, gaur egun ordea ez dugu gai horren gaineko inongo berririk, eta badirudi ez dutela hitza beteko”. TAO zerbitzuarekin izandako “gatazkak” arazoa larriagotu duela erantsi du Jose Angel Rodriguez sozialisten bozeramaileak, “aurreko enpresarekin kontratua bertan behera utzi eta TAO zerbitzua berriro martxan jarri duten arte zazpi hilabete pasa dira, eta ez da herrian beraz, zerbitzu hori izan denbora horretan guztian. Auzoak gero eta kolapsatuago daude, ahal den lekuan aparkatzen dute bizilagunek, eta ordu jakinetan herrira sartu eta bertatik irteteko zailtasunak izaten dira. Irtenbideak badaude, baina beste batzuk dira gobernu taldearen lehentasunak”. TAO zerbitzuari egin dio Rodriguezek erreferentzia berriz ere, eta zerbitzua eskaintzen zuen enpresarekin alde bakarretik kontratua eteteak “ondorio ikaragarriak” izan dituela esan du: “batetik kalean gelditu dira bertan ari ziren langileak. Gainera epaitegiek momentuz, hainbat langileri arrazoia eman eta kaleratzeak baliogabeak direla ebatzi dute, eta udala zigortu dute. Ez dakigu horrek zein eragin izango duen langileengan eta udalaren diru kutxan. Errekurtsoa egingo du udalak eta ebazpenen zain izango gara, baina kaltea egina dago, eta epaitegietako kostu ekonomikoa handia izan daiteke”. Aparkaleku eta trafikoaren arazoa hobetzeko gakoa, “lehentasunak eta inbertsioak” direla erantsi du.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Trafikoa eta aparkalekuak "hobetzea" premiazkoa da PSE-EE-rentzat

Gipuzkoa

Alokairu kontratua amaituta etxetik egotzi nahi dituzten hamahiru familiaren egoeraz ohartarazi du Kaleratzeak Stop plataformak

Tabuak kutxatik aterata, giro ederrean ospatu dute Inurri Eguna Usurbilen

Nazioarteko artistak eta euskal musikariak izango dira Boga Boga jaialdian

Joseba Zalakain izango da Gipuzkoako Zainketen eta Gizarte Politiken Ebaluaziorako Agentziako zuzendaria

EH Bilduren Gipuzkoako Mahai Politikoak Maddalen Iriarte proposatu du ahaldun nagusirako hautagai izateko

Ertzaintzak zaintza kameren grabaketak eskatu dizkie Azpeitiko saltokiei, hiltzailea aurkitzeko lagungarri izanen direlakoan

Ertzaintzak Azpeitiko hainbat etxebizitza miatu ditu, baina ustez taxilaria hil zuen susmagarria aurkitu ez

Gipuzkoako Foru Aldundiak politika publikoek pertsonen bizi kalitatean duten eragina neurtzeko agentzia bat sortu du

Etxe baten usain goxoa

Elkartasuna «kriminalizatzea» leporatu dio Donostiako Harrera Sareak Insaustiri

Gipuzkoako Artzain Eguna irailaren 6an egingo dute, Legazpin

Naomi Watts aktoreak ere jasoko du Zinemaldiaren Donostia saria aurten