'Karramarroa' bakarrizketa taularatuko dute igandean

Dxusturi Teatroko Eneritz Artetxek Miren Agur Meabe, Eider Rodriguez eta Marcela Iacuberen lanetan oinarritutako antzezlana jokatuko du

Erik Gartzia Egaña

Oiartzun

2018/04/17

Eneritz Artetxe (Gernika, Bizkaia, 1972) da antzezlaneko aktore bakarra.

Oiartzungo Antzerkizaleen Elkarteak hileroko ekitaldia datorren igandean, hilak 22, egingo du. Kasu horretan, Dxusturi Teatroaren Karramarroa antzezlana ekarriko dute Oiartzunera. Eneritz Artetxe aktoreak bakarrizketa jokatuko du udaletxeko pleno aretoan. Eider Rodriguez, Marcela Iacube eta Miren Agur Meabe idazleen testuetan oinarrituta dago obra. 19:00etan hasiko da emanaldia, eta sarrerak bost euroko prezioa izango du.

40 urte inguruko emakume batek, bere bizipen eta inguruari buruzko gogoetak kontatzen ditu mihi zorrotz eta lotsagabe batez. Pablo Ibarluzea da zuzendaria, eta honakoa da lan taldea: Azegiñe Urigoitia (jantziak); Ionan Berasaluze (kartela); Roberto Quintana (diseinu grafikoa); Zigor Gorostiola (argiaren diseinua); Amaia Iurrebaso (argi teknikaria); Mikel Garcia Malatu (musika); eta Dxusturi teatroa (ekoizpena).

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.