Liburuaren Egunaren atarian, Paperezko Ametsen liburutegiari azken ukituak emango dizkiote

Larunbat arratsaldean elkartuko dira, truke liburutegiaren egoitza izango den Laboreren egoitzan; azken fasea pasatuta, erabiltzen hasiko dira

Erik Gartzia

Oiartzun

2018/04/17

Laboren pilatzen ari diren liburuak txukunduko dituzte datorren larunbatean.

Paperezko Ametsak proiektuaren hitzaurrea idazteko lerro batzuk besterik ez dira falta. Pasa den uztaileko udalekuetan ibili ziren haurrek diseinatu zuten truke liburutegia. Gabonetako oporraldian, berriz, auzolan pare bat egin zuten egoitza txukuntzeko. Labore Oarsok Ihurrita bidean duen egoitzan egongo da. Datorren larunbatean, berriz, azken ukituak emango dizkiote, liburutegia joango den tokian. Apalak sortuko dituzte, liburuak txukundu eta apaletan jarri, izena emango dion kartela diseinatu eta abar. 16:30ean jarri dute zita, Laboreren egoitzan, eta hiru bat ordu egongo dira bertan, auzolanean. Horrela, astelehenean ospatuko den Liburuaren Nazioarteko Egunerako dena prest edukiko dute.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.