Torri Gukin egitasmoak eta udalak antolatu dute txangoa; Arraguan geratu eta Errenteria-Oreretako auzoraino joango dira oinez
Fanderiako bidegorrian ere bai ibiliko dira.
Torri Gukin egitasmoak eta Oiartzungo Udalak, pasa den astean bezala, jubilatuentzako jarduera antolatu dute bihar (osteguna hilak 19) arratsalderako. Kasu honetan, txangoa egingo dute, Errenteria-Oreretako Fanderia auzora.
Arraguako farmazian jarri dute zita, 16:30ean. Handik abiatuko dira Fanderia aldera, eta bertako bidegorritik paseo atsegin bat ematea da helburua. Eguraldi iragarpenen arabera, gaurko egunaren antzeko eguraldia egingo du. Beraz, aitzakiarik ez da egongo oinak mugitzeko.