Elkartasun besarkada, Oiartzundik Altsasura

Altsasuko gazte auzipetuei elkartasuna adierazteko argazki jendetsua egin dute Oiartzunen

2018/04/27

Altsasuko gazteak aske uzteko eskatu zuten atzo arratsean.

Atzo arratsean, bigarren aldiz, Oiartzungo plaza jendez bete zen. Oiartzungo Ernaik deituta, adin guztietako gazteek elkartasun mezu bat bidali zieten egun hauetan Espainiako Auzitegi Nazionalean epaitzen ari diren Altsasuko gazteei. Argazki jendetsua atera baino lehenago, gogorarazi zuten Altsasu ez dela herri bera 2016ko urriaren 15etik. “Espainiar erregimenak eta bere komunikabideek kanpaina bat jarri zuten martxan, Altsasuko herriaren eta epaitzen ari diren gazteen kontra. Ondorioz, 500 egun baino gehiago daramate preso”. Euren iritziz, auzia muntai polizial bat da: “Guardia zibilen eta beren bikotekideen bertsioa gezurtatzen duten bideoak daude; ustezko erasotzaileak identifikatzeko erabili ziren mekanismoak eta abar horren froga dira. Argi ikusi dugu Espainiako justiziaren maila zein den. Fiskaltzak 375 urte arteko zigorrak eskatu ditu liskar taberna batengatik”. Nahikoa dela esan zuten, eta Altsasukoak aske ikusi nahi dituztela berretsi zuten.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.