[Galeria] Hasi da sagardoaren festa handia

Dagoeneko ehunka lagunek egin dute txotx Errenteria-Oreretako XXX. Sagardo Egunean. Koldo Mitxelena plazan egin dute eguneko lehen dastaketa.

Imanol Saiz

Errenteria-Orereta

2018/04/28

Jendetza gerturatu da eguerdian zehar Koldo Mitxelena plazara.

Goiz-goizetik ehunka lagun atera dira kalera inguruko sagardogileen urteko uzta dastatzeko prest. Urte luzeko lanaren ostean, sagardoa dastatzeko unea iritsi da, eta dagoeneko ehunka lagunek probatu dute aurtengo zukua. 11:30ean eman diote hasiera XXX. Sagardo Egunari Errenteria-Oreretan, kalejira eta musikarekin, eta 12:00etan 2018ko lehenengo txotxa egin dute, Gorena markaren sagardoarekin. Euriari aurreratu dira aurten antolatzaileak, eta Koldo Mitxelena plazara eraman dute goizeko ekitaldia. Hogeita hamargarren Sagardo Egunak ez du etenik izango. 18:00etan, txotx ofiziala egingo dute Zumardian, eta 20:00ak bitarte (aurretik amaitzen ez bada), sagardoa barra-barra izango da. Hona, HITZAk eguerdian Koldo Mitxelena plazan bildutako irudi sorta:

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.