Galdos oiartzuarra, pala txapelketako finalerdietarako sailkatuta

Palista oiartzuarrak eta bere bikoteak txartela lortu dute asteburuan; Mitxelena eta Berebide ere bai hurrengo fasean egongo dira

Erik Gartzia Egaña

Oiartzun

2018/05/02

Zutik, Sarobe, Martinez, Toledo epailea, Galdos eta Lasarte. Makurtuta, Urreaga, Arregi, Maneiro eta Aizkorreta.

Asteburu luzea aprobetxatu dute Euskal Herriko Pala Txapelketa Irekiko antolatzaileek. Izan ere, hamabost partida jokatu dituzte Madalensoron, eta horietako hirutan oiartzuarrek hartu dute parte. Zortea ezberdina izan zen denentzat. Nesken txapelketan, Galdos oiartzuarrak eta Lasarte bikoteak finalerdietarako txartela eskuratu zuten, Martinez eta Saroberi estuasun handirik gabe irabazi ondoren. Mutiletan, berriz, Bigarren Mailako Mitxelena eta Berebidek final laurdenetarako sailkatzea lortu dute. Beren partida galdu zuten —ordu eta erdi inguru iraun zuren—, baina txapelketan zehar egindako tantoei esker lortu dute pasatzea. Beste bi bikotek ere hala lortu dute tokia hurrengo fasean. Ifrentzua, berriz, Ortega eta Rotetarena, Hirugarren Mailan. 25-23 galdu zuten, eta agur esan diote aurtengo ekitaldiari. Mutilen ligaxka atzean utzita, datorren asteburuan hasiko dira kanporaketak. Hurrengoan, berriz, finalerdiak jokatuko dituzte, eta azkeneko partidak hilaren 19an izango dira. Pasa den asteburuko partiden emaitzak ikusteko, klikatu hemen. Datorren asteburuko kartelera, berriz, hemen ikus daiteke.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.