Elorsoroko rokodromoa prest dago ikasleak jasotzeko
Eskalada ikastaroak datorren astelehenean hasiko dira; haurrentzako zein helduentzako ikastaroak egingo dituzte, astelehen eta asteazkenetan
Elorsoro kiroldegiak eskalada ikastaroak eskainiko ditu astelehenetik (hilak 7) aurrera. Haurrentzako zein koskortuta daudenei zuzenduta dago hiruhilabete honetako ikastaroa. Izena emateko kiroldegiko harrerara joan beharko da.
8 eta 13 urte arteko haurren ikastaroa astelehen eta asteazkenetan izango da. 18:30ean hasiko dira saioak, eta ordubete iraungo dute. 90 euroko prezioa izango dute.
14 urtetik gorako helduek —adin mugarik gabe— egun berberetan izango dute ikastaroa. Hori bai, iraupena bi ordukoa izango da, 19:30etik hasita. Hiruhilabeteko ikastaroaren prezioa 120 eurokoa izango da.
Astelehenean hasiko da ikastaroa, eta ekainaren 27an bukatuko da. 
