'L'Hermione' bisitatzeko on-line sarrerak agortu dira
Pasaiako Itsas Festibala bitartean erosi ahal izango dira ontzia bisitatzeko sarrerak, barkuan bertan.
Agortu dira Internet bidez salgai jarritako sarrerak, Pasaiako Itsas festibalaren antolakuntzak jakinarazi duenez. Ikusmina eragin du L’Hermione-ren etorrerak, eta sarreren salmenta horren erakusgarri. Lehengo ostiralean, festibalaren aurkezpenean, frantses belaontzi ikusgarria bisitatzeko sarreren %70 jada salduak zituztela nabarmendu zuten -6.400 sarrera jarri zituzten salgai- eta gaur guztiak agortu direla jakinarazi dute.
Edonola ere festibala bitartean sarrera gehiago salduko dituztela iragarri dute. Zehaztu dutenez, lau egunetan egongo da San Pedron lotuta egongo den barkua aurretik bisitatzeko aukera; hilaren 18an, 19an, 20an eta 21ean, egunero, 10:00etatik 17:30era. Sarrerak ontziak bertan erosi ahalko dira. Ordu erdiro 30 sarrera aterako dituzte salmentara, eta prezioak ondokoak:
- Helduak: 5 euro.
- Gazteak: (6-15): 2 euro
- Haurrak: 6 urtetik behera doan.
