Pasaitarrek eskualdeko igerileku estaliak erabiltzeko aukera izango dute
Abonu bakarrarekin eskualdeko kirol instalazio guztietara sartzeko aukera izango dute.
Galtzaraborda kiroldegiko igerilekua dago pasaitarrek aurrerantzean erabili dezaketenen artean.
Interesa duten erabiltzaileek ondoko kuotak ordaindu behar dituzte:
- urteko 279,89 euro banakako txartelak, eta
- urteko 350 euro familiako txartelak.
Beste hobekuntza bat ere aipatu dute. Modalitate berriko abonatuek euren udalerrian ematen ez diren ikastaroetan parte hartzeko aukera izango dute, beti ere norbere herrian lehentasunari eutsiz.
“Eskualdeko igerilekuak erabiltzeko hitzarmenak pasaitarren aspaldiko eskaera bati erantzuten dio”, ohartarazi du Gomezek, eta alderdi guztiei eskerrak eman dizkie erakutsi duten prestasunagatik. Hitzarmena indarrean egongo da 2020ko abenduaren 31 arte.
