Herriartekoan asteburu txarra Errenteriakoentzat

Errenteriako pilotariek itxura ona eman zuten partida guztietan, baina ez zuten lortu garaipenik.

2018/05/14

Errenteriako Gomazko Paleta taldeko kideak, ostiralean Fanderian. ARGAZKIA: EPLE

Ez dute Errenteriako pilotariek asteburu ona izan Herriarteko Txapelketan. Agustina Otaola pilotalekuan ostiralean jokatutako partidetan ez zuten garaipenik lortu errenteriarrek, eta Soraluzek eskuratu zituen hiru garaipenak gomazko paletan. Aitor Matxain aritu zen bakarka frontoi osoan eta 18-20 gelditu zen markagailua; Ibai Izkierdo eta Gorka Etxarri binakakoan aritu ziren. Horiek ere ez zuten markagailua alde jartzerik lortu etxean, eta 13-20 amaitu zuten partida. Iker Maneiro bakarka zazpigarren koadrora arte aritu zen, eta 9-20 amaitu zen partida. Garikoitz Aizkorreta eta Mikel Bengoetxea ordezko izan ziren. Errenteriako pilotariek itxura ona eman zuten partida guztietan, baina ez zuten lortu garaipenik. Matxainek lortu zuen hasierako 3-11 gainditzen, eta irabazteko puntuan ere izan zen, baina ezinezkoa izan zuen azkenean. Erremintan garaipen berdinketa Debako aldats pilotalekuan, baina -19ko kontrako markagailuarekin. Ibon Eskisabel eta Ruben Pichel larruzko paletan, tarte txikiagatik irabazi zuten, 34-35, baina pala motzean nabarmen galdu zuten Yorel Martinezek eta Abel Pichelek, 40-20 markagailuarekin. Justuan irabazitako larruzko paletako partidak kanporaketa gainditzeko itxaropena mantentzeko balio badu ere, ez dute lan erraza izango errenteriarrek, Fanderian jokatuko diren itzuliko bi partidak irabazi beharko baitituzte.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.