Torri Gukin egitasmokoak unibertsitatean izan dira

Beren egitasmoak zertan datzan azaldu diete Gizarte Heziketa graduko ikasleei; edadetu oiartzuarrentzat lehen aldia izan zen fakultate batean

Erik Gartzia

Oiartzun

2018/05/15

Torri Gukin-ekoak, ikasleekin.

Oiartzungo Udalak, gizarte-zerbitzuen bitartez, Torrin Gukin egitasmoa abiarazi zuen orain dela hainbat urte. Bidea egiten jarraitzen du, baita eredu izaten ere. Izan ere, Deustuko Unibertsitatean Gizarte Heziketa graduko lehenengo mailako ikasleei egitasmoaren berri eman zieten atzo, astelehena. Heziketa Iraunkorra eta Komunitate Garapena ikasgaiarekin lotutako bisita izan zen.

Egitasmoari buruzko azalpenak ematen.

Nekane Martiarenak azaldu duenez, ordu eta erdiz aritu ziren Torri Gukin-en bizitako esperientziak azaltzen, baita argazkiak eta bideoak erakusten ere. Momentu hunkigarriak ere izan zituzten, Martiarenaren arabera: “Ikasle batek eskatu zigun ea zerbait elkarrekin abestu genezakeen. Mikel Laboaren Txoriak, txori abestu genuen zahar eta gazteek. Ikasle batzuk emozioz eta begiak malkoz beteta esan ziguten beraien aiton-amonak ere bultzatuko zituztela horrelako egitasmo batean parte hartzera”. Ziurtatu dutenez, guztiz aberasgarria izan zen atzoko esperientzia. Izan ere, hurbildu ziren aiton-amonek ez lukete inoiz pentsatuko unibertsitatea zapalduko zuketenik. Are gutxiago eskola bateko protagonista izango liratekeenik, eta gazteak hunkituko zituztenik.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.