2018-19 ikasturtean parte hartu nahi duten gaztetxoek ekainaren 8ra arte dute izena emateko epea; lehenago, antzezlanak eskainiko dituzte
Aurten aritu diren ikasleak, ikastaroa aurkezten. Oihaltzarra laster itxiko zaie…
Datorren astelehenetik aurrera, Gazteen Antzerki Eskolan izena emateko epea irekiko dute, ekainaren 8ra arte. 12 eta 18 urte arteko gazteek ikas dezakete 2018-2019 ikasturtean.
Izena emateko, Elizalde Herri Eskolatik, Haurtzaro Ikastolatik eta Elorsoro kiroldegitik pasa beharko da. Bertara, ordainketaren ziurtagiria eta izen emate orria eraman beharko dituzte. Oiartzuarrentzat 60 eurok prezioa izango du, eta kanpokoentzat, 80 eurokoa. Laboral Kutxako 3035 0126 60 1260900006 kontu korrontean egin behar da ordainketa.
Eskolak Karaez kaleko 4 zenbakiko lokalean emango dituzte. Irailaren 26an egingo dute aurkezpen bilera, hortxe bertan, 19.00etatik aurrera. Astean ordu eta erdiko saioa edukiko dute, aukeran: asteartetan (19:00etatik 20:30era), asteazkenetan edo ostiraletan (14:45etik 16:15era, bi kasuetan). Ordutegi gustukoena jakinarazi beharko da izena ematerakoan.
Informazio gehiago lor daiteke Kultura Sailera
e-posta bidez idatzita edo telefonoz deituta (943 49 10 14).
Emanaldiak
Aurtengo ikasturtean Gazteen Antzerki Eskolan landutakoa publiko egingo dute, ekaina hasieran. Lur Korta eta Saioa Aizpuruaren gidaritzapean aritu dira hiru talde, eta udaletxeko pleno aretoan emanaldi hauek eskainiko dituzte (18:30ean hasiko dira):
- Ekainak 5, asteartea: Langosta taldearen Hotela The Hotel El Hotel; eta Arditurri taldearen Bizitza hau ez dugu nahi.
- Ekainak 7, osteguna: Txiribuelta taldearan Zinema Paradise.