Lau egunetan 115.000 lagun

Pasaiako Itsas Festibalaren antolakuntzak lehen balantzea egin du eta 'L'Hermione' bihar arratsaldean porturatuko dela iragarri du.

olatz mitxelena

Pasaia

2018/05/21

Antolakuntzaren arabera Morcheebaren kontzertuak 15.000 lagun bildu ditu.

Azterketa zehatzago baten zain, Pasaiako Itsas Festibalaren antolakuntzak lehen balantze bat egin du gaur, eta “bereziki ona” dela adierazi du, besteak beste bildu duen jendetzari erreparatuta. Lau egunetan 115.000 lagun bildu direla adierazi dute, eta egunez eguneko kopuruak ere zehaztu dituzte. Jakitera eman dutenez, larunbata izan zen, publikoaren ikuspuntutik, egunik gorena. 55.000 lagun zenbatu zituen antolakuntzak larunbatean – 15.000 Morcheebaren kontzertuan-. Atzo, 43.000 lagun izan ziren Pasaian; 10:000 lagun ostegunean -3.500 Kio Venenoren kontzertuan- , eta 7.000 ostiralean (1.800 Anne Etchegoyen eta Maika Mokavskyren kontzertuan). Festibala zonaldean izan duen inpaktu ekonomikoa neurtzeari ekin diotela iragarri dute baita ere, 2020 urtean festibala bigarrenez antolatzeko asmoa berretsiz. ‘L’Hermione’ bihar porturatuko da Festibala, edonola ere, ez da oraindik bukatu. L’Hermione beranduenez asteazkenean porturatuko zela iragarri zuen antolakuntzak, eta ordu zehatza zehazteke, badirudi, azkenik, bihar arratsaldean zeharkatuko duela Pasaiako bokalea. Igandera arte egongo da portuan. Antolakuntzak, balantzea egitearekin batera herritar, boluntario, ostalari, langile, elkarte eta Portu Agintaritzari eskerrak eman dizkie, festibalari egin dioten ekarpenarengatik.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Lau egunetan 115.000 lagun

Gipuzkoa

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa ogitartekoak banatzen dituzten herritarrei «jazartzen» eta «zigorra ezartzen» ari zaiela

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik

Renfek autobusekin ordezkatu ditu Tolosa eta Beasain arteko tren zerbitzuak