Palistek aurrera egin dute, eta esku huskakoek bidea markatu dute

Herriartekoko finalerdietan izango dira Oiartzun ordezkatzen duten Txosteko pilotariek; Oiarpekoek 2-1 irabazi zuten

2018/05/21

Ostiral arratsaldean jokatu zituzten Oiartzun-Beasain partidak [Argazkia: Goierriko Hitza].

Herriarteko txapelketetan dabiltzan oiartzuarrek ongi aritu dira asteburuan. Palistek aurrera egin dute, larunbat goizean Ordiziaren kontrako partidak irabazita. Txosteko Ezkerro eta Argotek 35-14 irabazi zieten Aranburu eta Berasategiri. Pala motzean, berriz, estuagoa izan zen markagailua: Aizpuru eta Irigoienek 40-36 irabazi zieten Luzuriaga eta Letamendiak osatutako bikoteari. Jokatu diren lau partidetatik hirutan nagusitu dira oiartzuarrak, eta beste goierritar batzuk izango dituzte zain finalerdietan. Datorren asteburuan jokatuko dute Lazkaon. Esku huskakoek, aurrerapausoa Eskuz aritzen direnek pasa den asteburuan hasi dute txapelketa, Madalensoron. Modu onean hasi dute, 2-1 irabazi baitiete Beasaini. Kadete eta Gazte Mailako partidatan nagusitu ziren, eta seniorretakoan goierritarrak nabarmen nagusitu ziren. Bueltako partidak asteburuan jokatuko dituzte. Honakoak izan ziren emaitzak:

Kadeteak: Ekain Sein-Xabier Aburuza / Olano-Usabiaga: 22-11.
Gazte Maila: Oroitz Sein-Josu Azpirotz / Sarriegi-Urdangarin: 22-3.
Seniorrak: Jokin Hernandez-Ekain Etxeberria / Azketa-Garmendia: 0-22.

Oiarpeko taldekideek lortu dituzten gainontzeko emaitzak ikusteko, egin klik esteka honetan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.