Menuaren lehenengo platera, euskara

Oiartzungo 26 jatetxek bat egin dute 'Euskara saltsan' kanpainarekin; udazkenean bezeroen artean 50na euroko sei sari zozkatuko dituzte

Erik Gartzia

Oiartzun

2018/05/24

Bi lagunentzako saria zozkatuko dute, Zuberoa jatetxean afaltzeko.

Oarsoaldeko Euskara Batzordeak 21 urte darama euskara merkataritza eta ostalaritzan sustatzeko kanpainak urtero antolatzen. Aurtengoaren helburua jatetxeak dira, eta eskualdeko osoko 107 establezimenduk bat egin dute. Horietatik 26 dira Oiartzungoak. Euren karta eta menuak euskaraz ematen dute dagoeneko, eta udazkenean zozketa egingo dute euren bezeroen artean. 50na euroko sei sari zozkatuko dituzte, kontsumitu duten jatetxean bertan gastatzeko. Ez dira sari bakarrak izango: eskualdeko lau udalerrietako parte hartzaile guztien artean bazkaria zozkatuko dute. Sari nagusi hori Iturriozko Zuberoa jatetxean izango da, bi pertsonentzako. 40 urte daramate euren zerbitzua euskaraz eskaintzen. Honakoak dira Euskara saltsan kanpainarekin bat egin duten gainontzeko 25 jatetxeak:

Irundarrene (Altzibar).
Alhambra (Arragua).
Amazkar (Elizalde).
Gazte Izanak (Elizalde).
Joxixionia (Elizalde).
Kabitxo (Elizalde).
Laia (Elizalde).
Tolaita (Elizalde).
Arritxulo (Ergoien).
Fortaleza (Ergoien).
Iriberri (Ergoien)
Kapeo (Ergoien).
Olaizola (Ergoien).
Pikoketa (Ergoien).
Tolare (Ergoien).
Malkorra (Gurutze).
Toki Alai (Gurutze).
Gure Txoko (Iturriotz).
Aristi (Ugaldetxo).
Bikain (Ugaldetxo).
Esnoiz (Ugaldetxo).
Intxixu (Ugaldetxo).
Ordo-zelai (Ugaldetxo).
Tartalo (Ugaldetxo).
Toki Ona (Ugaldetxo).

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.