Palistek Herriartekoaren finalerdiak jokatuko dituzte larunbatean

Lazkaoren kontra jokatuko dute, Goierrin; esku huska aritzen diren pilotariek Beasaini irabazi behar diote bihar, pasatzeko

Erik Gartzia

Oiartzun

2018/05/24

Palistak Lazkaoko Joxe Migel Barandiaran lehiatuko dira.

Herriartekoan ari diren pilotari oiartzuarrek zita bikoitza dute asteburu honetan. Bihar, ostirala, esku huskako pilotarien txanda izango da. Beasainen jokatuko dute, final laurdenetako itzulikoari dagozkien partidak. Joaneko partidetan 2-1 gailendu ziren oiartzuarrak. Txapelketako lehenengo partidatan aritu ziren hiru bikoteekin batera Mikel Aranburu, Ekaitz Salaberria eta Zigor Salaberria ordezkoak joango dira. Oiarpek jakinarazi duenez, litekeena horietako baten bat joatea. Partidak 19:30ean hasiko dira. Palistek egun bat beranduago eta fase bat aurrerago jokatuko dute, Lazkaon. Joaneko partidak Lazkaoko Joxe Migel Barandiaran pilotalekuan izango dira, 11:00etan hasita. Antxin Ezkerro eta Orkatz Argote larruzko paletan ariko dira, eta Oinatz Aizpuru eta Jon Irigoien pala motzean. Ordiziakoei irabazi ondoren finalerdietan dira, eta bueltako partida Madalensoron jokatuko den ez da jakina, pintatzen ari baitira. Gainontzeko partidak Oiartzun ordezkatuko dutenek ez ezik, Oiarpe eta Txosteko gainontzeko pilotariek ez dute atsedenik hartuko. Esku huska ari direnek beste zortzi partida jokatuko dituzte. Kartelera ikusteko, sakatu esteka honetan. Txostekoen kasuan, berriz, larruzko paletako 22 urtez azpiko txapelketako partidak Haurtzaro Ikastolako frontoian jokatuko dituzte partidak. Gaur —osteguna— Gaztelekuren kontra ariko da Txost 1, 20:00etan hasita. Txost 2koek Realaren kontra neurtuko dituzte indarrak, etzi, 11:00etan hasita, toki berean.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.