San Joan suak pizteko baimena eska daiteke, hilaren 18ra arte

Hainbat baldintza bete beharko dituzte suek, segurtasunagatik; Udalak proposamenak aztertuko ditu eta egokiak diren ebatzi

Erik Gartzia Egaña

Oiartzun

2018/06/01

Pilak ez dira hiru metro baino altuagoak izango.

Gauza txar eta negatiboak erretzeko garaia momenturako gero eta gutxiago falta da. Hiru aste barru San Joan su asko piztuko dira Euskal Herri osoan. Gauza txar eta negatiboak sinbolikoak bakarrik izan daitezen, su horiek pizteko baimena eskatu behar da. Izan ere, segurtasun neurri batzuk bete behar dira. Hilaren 18a baino lehen eskatu behar da baimena, udalean, eta egokitasuna aztertuko du udalak. Sua ezingo da urbanizatutako zolaren gainean egin, eta distantzia mantendu beharko dute eraikin, ibilgailu eta linea elektrikoetatik. Honakoak izango dira suen baldintzak: piztu aurretik pilak 3 metro baino handiagoa ez da izango; eta material solidoa erreko da. Debekatua egongo da likido suharbera eta gai toxikoak erretzea: pneumatikoak, olioak, zuntzak, etxetresnak, plastikoak, PVC… eta gisakoak. Pilak ekainaren 16tik aurrera biltzen has daitezke, eta ekainaren 23ko 20:00etatik aurrera piztu beharko dira. Egun horretan bertan, ziurtatu beharko da sua itzalita dagoela, eta ingurua txukun utzi beharko da. Edozein zalantza argitzeko, udaltzainei dei daiteke (943 49 33 11).

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.