[Galeria] Gero eta gehiago dira

Eskaera zehatza egin du Duintasunak, pentsio duin baterako eskubidea eta lan zein pentsio erreformak bertan behera uztea.

Ikerne Zarate Gartziarena

Errenteria-Orereta

2018/06/04

Hamarnaka lagunek egin dute bat Duintasunaren deialdiarekin.

Duintasunak berriz ere hartu ditu kaleak gaur, hileko lehen astelehenarekin batera. Eskaera, pentsio duin baterako eskubidea eta lan zein pentsio erreformak bertan behera uztea. Nekea eta ezinegona areagotzen ari dela pentsiodun eta erretiratuen artean murrizketen aurrean esan dute manifestazioan abiatu aurreko elkarretaratzean. Murrizketa horiek, gainera, biztanleriaren sektore zabal eta bereziki ahulenak kaltetzen dituztela nabarmendu dute, eta onartezintzat jo dute Espainiako Estatuan 13 miloi pertsona ia txirotasunean bizitzea. Azken datu horrekin hausnarketarako deia egin du Duintasunak, “ez legoke gaizki gure buruari galdetzea zer egin dugun gaizki, edo zer ez dugun egin arestian aipatutakoa gerta dadin”. Azken hamar urtetik milioika pertsonek eskasia jasaten dutela salatu du, eta horren erantzule PSOE, PP eta EAJ egin ditu, eta argi esan du, gaur egun, ez zaiela nahikoa 10 edo 20 euroko igoera, “ez da nahikoa eta pentsiodunen mugimenduak ez du bere burua salduko diru apur baten truke, eskubideak eta konpromisoak nahi ditugu, gaurko asea, biharko gosea izango delako”. Dagoeneko gogorra den pentsiodun eta jubilatuen egoerari, kasu askotan seme-alaben egoera gehitu behar izaten diotela erantsi du Duintasunak, “lanik gabe, edo kontratu behin-behinekoak, soldata eskasak, ordu pila lantokian…”. Instituzio eta gobernu “batzuei” jendearen interesetan ez aritzea egotzi die, “erdipurdiko gobernatzaileak ditugu kasu askotan, beren buruarekin baizik pentsatzen ez, edo, okerrena, nola lapurtu pentsatzen ari direnak. Oso urruti daude gizarte demokratiko baten errealitate berria gobernatzen jakitetik”. Bozka ez eskatzeko eskatu diete jubilatu eta pentsiodunen “aldarrikapen justuak” babesten ez dituzten politikoei, azkenik: “Gaurko egunean egiten dugunaren araberakoa izango da pentsio publikoen geroa. Direnak direla gobernatzaileak, gu gara pentsio publikoen defendatzaileak”. Hurrengo hitzordua pentsioen alde, uztailaren 2an.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

[Galeria] Gero eta gehiago dira

Gipuzkoa

Orioko Udalak eskatu dio Jaurlaritzari «lehenbailehen» konpontzeko ‘Gure Gaskuña’ itsasontziaren egoera

Emakumeak gero eta leku gehiago hartzen ari dira Gipuzkoako enpresetako ardura postuetan, motel bada ere

Legazpiko Bellotako langile guztiei ezarri diete aldi baterako erregulazioa

Donostiako Udalak plaka bat jarriko du larunbatean Iñaki Kijeraren omenez

Parte hartzaile gehiago baina emakume gutxiago Behobia-Donostian

Bergara tentsio handiko eremu izendatu dute

Gutxiengoen istorioak eta ahots isilak izango ditu ardatz aurtengo Literaktum jaialdiak

Etxebizitza izango dute hizpide 21. Feministaldian, bihartik aurrera

Erresuma Batuko The Epiphoni Consort abesbatzak irabazi du Tolosako Abesbatza Lehiaketa

Espainiako Gobernuak eraikiko ditu Martuteneko kartzelako lurretan egitekoak diren laurehun etxeak

‘Noraeza eta bidea’ izeneko erakusketa eta bi artista liburu aurkeztu dituzte Oiartzunen

Patxi Goenaga hizkuntzalaria hil da