Bihar irekiko dituzte Altzateko udako igerilekuak

Irailaren 9ra arte egongo dira irekita; instalazioko gune guztiak egongo dira irekita, eta jai egunetan ordutegia luzatuko dute

Erik Gartzia

Lezo

2018/06/15

Kanpoaldeko igerileku biribila irekiko dute.

“Badator uda” esaldia zientzia fikziozko esaldi bat dela dirudi. Imajinazioa martxan ez jartzeagatik, hobe da ekainaren 21a hurbil dagoela esatea. Eguraldia lagun izan ala ez, Altzateko igerilekuak bihar irekiko dituzte, irailaren 9ra arte. Modu horretan, Altzateko kirol instalazioetako gune guztiak irekiko dituzte. Igerileku sakona (25 luze eta 12,5 zabal); erabilera anitzeko igerilekua (12,5 metro luze eta 8,5 zabal); udako igerileku biribila (9 metroko diametroduna) eta eguzkia hartzeko belardia. Ordutegiak aldaketak izango ditu. Horrela, astelehenetik ostiralera 08:15etik 21:000etara egongo da irekita. Larunbat, igande eta jai egunetan, berriz, ordutegi bateratua izango dute, 09:30etik 21:30era. Udako denboraldia bukatzean, igerilekuen mantenurako lanak egingo dituzte. Horregatik, irailaren 10etik 23ra itxiak egongo dira, eta bueltan neguko ordutegia indarrean jarriko dute.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.