Altamirako prozesuan egindako 300 ekarpenak aztertzen ari da udala

87 auzotarrek hartu dute parte maiatzean egindako prozesuan; 200 auzoa hobetzeko proposamenak dira, eta 100 anfiteatrorako

Erik Gartzia

Lezo

2018/06/20

Altamira auzoan hobekuntzak egiteko prozesua ari da bere bidea urratzen.

Lezoko Udalak parte hartze prozesu bat martxan jarri zuen, Altamira auzoa hobetzeko asmoz. Maiatzaren 13tik 27ra jaso zituzten ekarpenak, eta orain aztertzen ari dira. 87 herritarrek hartu dute bertan, eta denera 300dik ekarpen egin dituzte. Ekarpen eta iradokizunen bi heren inguru auzoa, modu orokorrean, hobetzeko proposamenak dira. Gainontzeko 100ak parkeko anfiteatroa hobetzeari dagozkionak dira. Parte hartu duten pertsonen gehientsuenek maiatzaren 16an jarritako informazio karparen bitartez egin dute beren ekarpena. 62 izan ziren guztira. Online inkesta hamabi lagunek bete zuten, tailerren zazpi auzotar izan ziren eta igerilekuan eta auzo elkartean jarritako postontzietan bost eskuorri jaso zituzten. Proposamenak Auzotarrek helarazitako proposamenak aztertzen ari dira, eta gehienek irisgarritasuna eta lorezaintza aipatzen dute. Halere, besteak beste, argiteria, garraio publikoa eta segurtasuna hobetzearen inguruko ekarpenak ere jaso ditu Lezoko Udalak. Anfiteatroaren kasuan, batez ere, konpontzeko eta estalkia jartzeko eskaerak bideratu dituzte. Gainera, argiteria jartzeko eta kirol erabilerarako proposatu dute bizilagunek. Udalak txalotu du bizilagunen jarrera, eta proposamen eraikitzaileak aurkeztu izana eskertu du. Gainera, tailerrean, Altamiraren garrantziaz ohartarazi zuten bizilagunek, herriko birika berdea baita, eta udalak kontuan izango duela esan du.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.