Hilaren 27ko arratsaldean Lezoko Baratze Parkea bisitatuko du ibilgailuak; bertara lursailik ez dutenak ere hurbildu daitezke.
Furgobaratza San Pedro auzora hurbilduko da, asteazkenean.
Furgobaratzak urteko laugarren bisita egingo du Lezoko Baratze Parkera. Datorren asteazkenean, hilak 27, izango da, eta 18:00etatik 19:30era egongo da bertan.
Bisita aktiboa izango da. Baratzeko produktuen gaixotasunei eta izurriteei aurre egiteko aholkuak emango dituzte tailerrean. Izan ere, beroa hurbildu ahala, izurrite eta gaixotasunak azaltzen hasten dira baratzeetan. Gaixotasunak identifikatzen laguntzeaz gain, moduan ekologikoan horiei aurre egiteko gomendioak emango dituzte hurbiltzen diren herritar guztiei. Lezoko Udalak gogorarazi du lursaila ez dutenak ere hurbil daitezkeela.
Beste zerbitzuak
Emango duten tailerraz gain, beste bost zerbitzu ere eskainiko dituzte. Honakoak izango dira:
- Baratzekideei aholkularitza tekniko zuzena.
- Lezoko Baratze Parkeraren ikuskaritza eta jarraipena.
- Landare ekologikoak eta baratzeko beste produktuak erosteko aukera.
- Hainbat zerbitzu kontratatzeko aukera: Lurraren prestaketa lanak, hondakin begetalak birrintzeko zerbitzua edo inguruko landareen garbitzea.
- Baratze Parke Sareko jardueren komunikazioa.
