Gogorza eta Arrietaren askatasuna eskatuko duen iniziatiban parte hartzera deitu du Irabaziz-ek

Herritar guztiak deitu ditu, gainera, bertaratzera eta nabarmendu du Arrieta eta Gogorzaren osasun egoera bateraezina dela espetxearekin.

Ikerne Zarate

Errenteria-Orereta

2018/06/27

Hilaren 30ean taupada izatera deitzeko Sarek egindako agerraldia joan den larunbatean.

Errenteria Irabaziz Hautesle Elkargoak bat egin du larri gaixo dauden Mikel Arrieta eta Aitzol Gogorza euskal presoak aske uztea eskatzeko datorren larunbatean Sarek antolatu duen iniziatiban. Herritar guztiak deitu ditu, gainera, bertaratzera eta nabarmendu du Arrieta eta Gogorzaren osasun egoera bateraezina dela espetxearekin, “gaixotasun larriak eta sendaezinak dituzte bi errenteriarrek”. “Arrieta eta Gogorza espetxera eraman dituen arrazoien eta ekintzen erabat gaitzesteak, biolentziaren biktima guztientzat egia justizia eta erreparazioaren oinarrizko ideiak konpartituta ez du oztopatzen justiziarekin zerikusirik ez duen mendeku logika arbuiatzea. Uste dugu, Aitzol eta Mikel aske uzteko unea dela dituzten gaixotasun larriak tratatu ahal izateko”, esan du Errenteria Irabazizek. PPren aurreko gobernuak “konfrontazio klabean” ezarritako espetxe politika, elkarbizitza eremuak sortuko dituen politikarekin aldatzeko urratsak ematea egingarria dela une honetan gaineratu du, “salbuespen neurriak bertan behera utzita, eta giza eskubideak errespetatuta. Horregatik Errenteria Irabazizek Sarek larunbatean (hilak 30) deitu duen iniziatibarekin bat egingo du”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.