Ane Arruabarrenak eta Nerea Argaratek irabazi dute pala txapelketa
Mutiletan Rey anaiek irabazi dute finala
Larunbatean jokatu dituzte Antxon urtero sanferminen atarian jokatzen diren pala txapelketetako finalak.
Emakumeetan, aurten, Ane Arruabarrenak eta Nerea Argaratek irabazi dute pala txapelketa. Final oso lehiakorra jokatu zuten larunbatean Ibaiondon Susi eta Lauraren kontra, eta 25-24 irabazi, emozioz beteriko partidan.
Mutiletan, Mikel eta Sergio Rey anaiek irabazi zuten Javi Arruabarrena eta Aitor Alberdiren kontra jokatutako finala.
Txapelketari amaiera emateko, urtero legez, herri bazkaria egon zen Axular tabernak eskainia, eta atzo, berriz, babesle berari esker, haurrentzako puzgarriak eta aparraren festa.
Bazkariaren aurretik sari banaketa izan zen Axular plazan. Argazkia: Fermintxo.
