Pasai Antxon, San Fermini erreguka

Gaur arratsean hasiko dira Antxoko sanferminak.

2018/07/04

olatz mitxelena

Antxotarrak, iazko txupinazoan, suziria eztanda egiteko zain.

20:00etan hasiko dira gaur Antxoko sanferminak, eta Antxon, txupinazoaren zain, San Fermini erreguka ari dira, festen hasierarako ateri eusteko eskatuz. Entzierroak ospatzeri aspaldi utzita, zer erregutu, behintzat, ez da falta. Txupinazoaren aurretik hainbat ekitaldi daude iragarrita (ikus beherago egitaraua), Moliñomariren Jaitsiera tarteko, baina festak, ofizialki, suziria eztanda egitearekin bat hasiko dira, antxotarrek zapi gorriak lepora lotuko dituzten istant berean. Iruñean bezala, Antxon ere sanferminek badituzte bere momentikoak. Txupinazoaren aurretik sanferminetako protagonista nagusiei zintak jarriko dizkiete. Tartean, beteranoen danborradako kantinera Amaia Vazquez; Basari elkarteko danborradaren ordezkari Patxi Azparren eta haurren danborradako kantinerak Zuriñe Askasibar eta Ane Labiano. Txapela eta lore sortak, berriz, Jose Luis Azpiroz eta Arantza Agirregomezkortarentzat izango dira, aurten erretiratu omenduak, eta ekitaldian izango dira, baita ere, jaiak bitartean agintean, alkate txikiak. Azkenik saria emango diote Sanferminetako kartel lehiaketako irabazle Gerar Martin Gonzalezi. Gauean afariak eta musika nonahi Festetako lehen gaua izanik eta lan eguna, gauean herrikoak bere saltsan. Kuadrillen afariak nonahi eta girotzeko musika eskaintza zabala aukeran gauerditik aurrera. Oharkabe taldea TOPAguneko karpen, zumardian; Karlos eta Sagarz DJak azokan, Mimos tabernak antolatuta eta Kogoio DJ Hamarretxeta kalean, Kurlinka tabernaren eskutik. Bihar, berriz, txikiak protagonista. Haurren Eguna izanik txikienentzat izango dira egunean zehar ekitaldi gehientsuenak. Egitaraua Gaur

17:00: Karro poteoa. Antolatzailea: Topagunea.
18:30: Moliñomariren jaitsiera Marealtan. Antolatzailea: Topagune.
19:00: Lehen topa! Gure Zumardiko karpan. Antolatzailea: Topagune.
19:30: Jaiak aurkezteko ekitaldia Gure Zumardian.
20:00: Txupinazoa zumardian, etxafuegoak eta kanpai-iraulketa, Pasai txarangak girotuta.
Ondoren, zapi gorriak jaso ostean, erraldoi eta buruhandiak Itsas Mendiko txistulariek lagunduta.
21:30: Afaria Gure Zumardian, norberak etxetik eramandakoarekin. Antolatzailea: Topagune.
23:30: Zezen Suzkoa Gure Zumardian.
00:00: Kogoio DJa, Hamarretxeta kalean. Antolatzailea: Kurlinka taberna.
00:00: Dantzaldia Oharkabe taldearekin Gure Zumardiko karpan. Antolatzailea: Topagune.
00:00: Dantzaldia Karlos eta Sagarz DJekin Azokan. Antolatzailea: Mimos taberna.

Bihar, Haurren Eguna

06:00: Diana Gauerdi txarangarekin.
07:00: Helduentzako bigantxak Luzuriagan, Marques de Saka ganadutegiko bigantxekin.
07:00: Gaupaseroentzako gosaria eta argazkia Gure Zumardiko karpan. Antolatzailea: Topagune.
10:00: Haurren pala-txapelketa Ibaiondo pilotalekuan.
11:30: Haurren xake-txapelketa Gure Zumardian. Antolatzaileak: Kampsa-Ardigorri eta Luzaro Xake Taldea.
12:00: IV. Marmitako desafioa Oarso kalean. Antolatzailea: Leunda taberna.
13:30: Erraldoi eta buruhandien konpartsa, Itsas Mendiko txistulariek lagunduta.
14:00: Marmitako desafioaren bazkaria Oarso kalean.
14:30: Haurren bazkari herrikoia Biteriko karpan. Antolatzailea: Galepertarrak elkartea.
16:00: Haurrentzako antzerkia Gure Zumardian: Patata tropikala taldeak Kalean otso etxean uso lana aurkeztuko du. Antolatzailea: Kampsa-Ardigorri.
17:00: Haurrentzako jolasak Kupeldegin. Antolatzailea: Kupeldegi peña.
18:30: Mutxikoak eta erromeria Gure Zumardian. Antolatzailea: Antxoko Muxikoen Elkartea.
19:00: Sardina-jatea Gure Zumardian.
Ondoren, Andoni Ollokiegiren emanaldia. Antolatzailea: Topagune.
19:00: Erraldoi eta buruhandien konpartsa.
20:00: Koloreak konpartsa barrutiko kaleetan barrena ibiliko da.
00:00: Play-back txapelketa Gure Zumardian.
Ondoren, kontzertua. Antolatzailea: Topagune.
23:30: Pattor 14 DJa Hamarretxeta kalean. Antolatzailea: Kurlinka taberna.
00:30: La chula potra rap-kantariaren emanaldia Azokan. Antolatzailea: Mimos taberna.
02:00: Dantzaldia Karlos eta Sagarz DJekin Azokan. Antolatzailea: Mimos taberna.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.