36 eta 50 urte arteko emakumea, KZguneko erabiltzailearen profila
Oiartzungo KZgunearen erabiltzaileen %57,9 emakumeak dira; irekita daraman urteetan 1.489 erabiltzaile izan ditu
Madalensoro pilotalekuko txoko batean dago Oiartzungo KZgunea. Urte dezente daramatza irekita, eta ordutik, 1.489 erabiltzaile izan ditu. Erabiltzaile gehienak emakumeak izan dira (%57,9) eta adin tartea kontuan hartuz gero, 36 eta 50 urte artekoak dira KZgunearen zerbitzuak gehien erabiltzen dituztenak.
Hori datu historikoei dagokienez. Pasa den ekainean antolatutako ikastaroetan gizon gehiago izan ziren bertan, eta arrakasta handiena izan zutenak tablet eta smartphoneei buruzkoak izan ziren. IT Txartela, Informazioaren Teknologien Erabilera-ziurtagiria, lortzeko azterketetan, berriz, aurkeztu ziren bost pertsonetatik lau emakumeak ziren.
Eusko Jaurlaritzak dohainik eskaintzen duen zerbitzua da KZgunea. Madalensoroko lokala Oiartzungo Udalak laga die. Haiekin harremanetan jarri nahi izanez gero, 943 49 02 36 70 telefono zenbakira dei daiteke, edo e-posta bidez idatzi. 
