Autodefentsa feministaren aldarria Antxoko jaietan

Eraso sexistak amorruz eta nahi bezala salatzeko zilegitasuna azpimarratu dute Antxon uztailaren 7an egin zuten manifestazioan. "Beldurra aldez aldatuko dugu" eta "autodefentsa feministaz armatuta gaude" aldarriak defendatu zituzten.

Ainhoa Mariezkurrena

Pasaia

2018/07/11

Eraso sexisten aurkako manifestazioa Antxoko jaietan. Argazkia: Julen Lazkano

Eraso sexistak amorruz eta nahi bezala salatzeko zilegitasuna nabarmendu dute Antxon uztailaren 7an egin zuten manifestazioan. “Beldurra aldez aldatuko dugu” eta “autodefentsa feministaz armatuta gaude” aldarriak defendatu zituzten. Harremantxo talde feministaren eta Antxoko TOPAgunearen iniziatiba izan zen uztailaren 7an burutu zen erasoen aurkako manifestazioa. Gaueko 01:00etan abiatu zen Luzuriagatik eta parte hartzaileek arropa beltza eta aurpegia estalia zeramatzaten. Surdoek (danborrek) irekitzen zuten bidea eta suak jarraitzen zien atzetik. “Nazkatuta gaude beti biktima bezala agertzearekin, kaleak eta gauak amorruz eta indarrez hartuko ditugu”, esan zuten amaierako irakurketan. Estereotipoak eta eskemak haustea zuten helburuetako bat eta amorrua ateratzeko plaza sortzea, “aurpegiak estali ikusiak izateko”. Era berean, mezua erasotzaileei iristea nahi izan dute: “Ez diogu genero maskulinoari beldurra eragin nahi, baina bai erasotzaileei. Biolentzia sistemak emakumeei eragiten dien beldurra da, eta egunerokoa da. Gurea, ordea, horren aurreko erantzuna da, autodefentsa da”. Erasoen aurreko erantzunak emateaz gain, beste bide batzuk jorratu behar direla ere esan zuten amaieran autodefentsa feministara deituz: “Libre izan nahi dugu eta ez ausartak. Gure armekin jabetzera eta erabiltzera deitzen zaituztegu. Logika berdinean jarraitzen duen sistema zapaltzailea irauli arte ez dugu gelditzeko asmorik. Hilko gaituen gerrarik ez, zapalduko gaituen bakerik ez”. Manifestazioa baino bi egun lehenago Antxon identifikatu zituzten puntu ilunak zeharkatu zituzten, argitzeko asmoz. Mezuak itsatsi zituzten leku horietan. Ekintza honek ere herriaren erantzuna izan zuela jakinarazi dute.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Autodefentsa feministaren aldarria Antxoko jaietan

Gipuzkoa

Biriketako transplante baten zain dagoen Donostiako bizilagun bat, etxetik egotzia izateko zorian

Tolosa eta Beasain lotzen dituen Renfeko tren zerbitzua etengo dute abuztuaren 29tik irailaren 1era

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik