Danbor eta algara hotsak nagusi Trintxerpen

Hasi dira jaiak. Haurren jolasek eta buruhandien kalejirak hautsi zuen isiltasuna. Koloretako hautsekin apaindu zituzten gero plaza zein haien gorputzak. Beranduago, lehen suziria bota zuten.

Ainhoa Mariezkurrena

Pasaia

2018/07/13

Hasi dira jaiak. Haurren jolasek eta buruhandien kalejirak hautsi zuen isiltasuna. Koloretako hautsekin apaindu zituzten gero plaza zein haien gorputzak. Beranduago, lehen suziria bota zuten. Holi festak kolorez bete zuen Gudari plaza arratsalde hasieran. Korkoiburuek girotutako ekintza honetan nabaria zen haurren ilusioa. Hautsa harrotu aurretik, gainera, Korkoiburu eta bere lagunek dantza bat egin zuten eta ongi etorria eman zieten jaiei. Ondoren, alkateordetzan, Jai Batzordeak aurten omendu nahi izan dituen guztiak bildu zituen eta oroigarri batzuek eman. Angel Ouvina eta Kontxi Errondosoro alkate jauna eta alkate andrea izan ziren protagonista, hasieratik bukaerara haiek banatu zituzten plaka eta zapi urdinak. Danborrada guztietako ordezkariak zeuden agertokian presente, bost danborradetako banderari zein ordezkariak. Sorpresa batekin amaitu zuten; entzuleek Trintxerpeko ereserkia abesten zuten bitartean danborrada bakoitzeko ordekari bana atera zen danborrarekin erritmoa jarraituz. Balkoira igo eta suziria jaurti aurretik manifestu feminista irakurri zuten. Erasorik gabeko jaiak eta denon gozamenerakoak direla salatuz eta gogoraraziz. “Baietza ez bada ezetza da” esaldia zuen txapak ikus zitekeen alkandoretan jarrita, baina aldarria azpimarratzen zuen pankarta ere Korkoiburuen txosnan. Ouviña eta Errondosorok igo zituzten banderak eta ondoren lehen danborradak hartu zituen kaleak. Ikus Trintxerpek atzo utzitako irudiak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Danbor eta algara hotsak nagusi Trintxerpen

Gipuzkoa

Maritxu Kajoi gauean adin txikiko batek jasandako sexu erasoagatik gizon bat atxilotu dute Ermuan

Avanzako autobus gidariek bertan behera utzi dute greba, 26 egunen ondoren

61 urteko paziente onkologiko bat tximino baztangak jota hil da Donostia ospitalean

Hogei urteko espetxe zigorra onartu du Pasaian bikotekide ohia tiroz hil zuen gizon batek

Azahara Dominguezek hautagaitza aurkeztu du PSE-EEren Gipuzkoako ahaldungai nagusi izateko