Egun luzea dute aurrean oreretarrek, baina goiz goizetik hasi dira alpargatak berotzen. 20 urte bete ditu aurten Erromeria Egunak.
‘Gelajauziak’ ikuskizuneko bi zati dantzatu ditu Kukaik
Ezin beroago hasi da Errenteria-Oreretako 2018ko Erromeria Eguna, 20.ez Ereintza Dantza Taldeak antolatu duena. Egun luzea dute aurrean oreretarrek, baina goiz goizetik hasi dira alpargatak berotzen. Eguerdian giro paregabea sortu da Zumardian, Vilafranca del Penedeseko castellersekin, aurrena, Kukairen
Gelajauziak ikuskizuneko bi piezekin, gero, eta Aiko taldearen saioarekin, azkenik.
Arratsaldean izango du segida Erromeria Egunak, 18:00etan, Andoitz Antzizar, Arkaitz Miner, Iñaki Letamendi eta Quico Pugesen eskutik. Adi, gonbidatu bereziak izango baitituzte: Maider Zabalegi, Maixa Lizarribar, Asier Gozategi eta Itsaso Elizagoien.