Jaiak guztiek goza ditzaten

Arreta telefonoa, indarkeria sexistarik gabeko gunea eta aisiaren gaineko ikerketa izango dira madalenetan udalaren eskutik.

Ikerne Zarate Gartziarena

Errenteria-Orereta

2018/07/17

Txupinazoa botako du omenduak.

Larunbatean hasiko dira madalenak, eta atzerako kontaketa martxan da. Jaietan ere, inolako eraso sexista, homofobo, xenofobo eta transfoborik gabeko udalerria izan nahi du Errenteria-Oreretak, eta horri begira, udalak neurriak hartzen jarraitzen du, “elkar errespetua eta elkarbizitzaren aldeko jokabideak behar ditugulako”. Emakumeek emakume izate hutsagatik egoera gogorrak bizi izaten dituztela nabarmendu du, “enbarazu egiten digute, indarrez hartzen gaituzte, inguratu egiten gaituzte edo eraso egiten digute. Taberna, txosna eta elkarte gastronomikoetan ospatzen dira festak, eta horregatik dira toki horiek sentsibilizatzekoak, elkarren arteko errespetua eta tratu ona bermatze aldera”. Horren harira, errespetuzko jarrerak aldarrikatzeko azken urtetan bezala kanpaina martxan jarriko duela jakinarazi du. Ez da neurri bakarra, bide horretan urrtasak egiteko, aurten elhenengoz 24 orduko arretarako telefonoa martxan jarriko du. Dei argia egin du: “Edozein eraso sexista jasanez, ikusiz edo entzunez gero, txikia izanik ere 650 40 78 58 telefono zenbakira deitzeko gomendioa egiten dugu”. Zerbitzua etengabe izango da martxan jaiek irauten duten bitartean. Zehazki, hilaren 21eko 19:00etatik hilaren 26ko 01:00etara izango da martxan etengabe. Whatsappez edo deituta erabili ahalko da zenbaki hori. Materiala sortu du udalak, eta tabernari, komertzio eta eragileei helarazi die: jai parekideen aldeko kartela, Festetan beldurrak gurekin jai leloarekin; eraso sexisten aurrean jarduteko protokoloa; Eraso bat ikusi, entzun edo jasaten baduzu, erantzun! pegatina; eta Eraso sexisten aurrean 650 40 78 58 pegatina zabalduko du udalak. Gizarte zerbitzuak, berdintasuneko azpisaila eta Udaltzaingoa elkarlanean arituko dira, ahalik eta erantzunik egokiena eta azkarrena emateko egoeraren premiaren arabera. Udaltzaingoa, halaber, Ertzaintzarekin arituko da elkarlanean. Indarkeria sexistarik gabeko gunea ere jarriko du martxan udalak, bestalde. Hilaren 20an Herriko plazan izango da, eta hilaren 24an Foru plazan, 18:00etatik 22:00etara. Indarkeria matxistari aurre egiteko informazioa emango dute bertan, batetik; eta “ligoteo osasuntsurako”, jendearen arteko harreman erosoetarako beharrezkoak diren balioen lanketa egingo da, bestetik. Amaitzeko behaketak egingo ditu udalak bi gauetan Errenteriako jaietako gaueko aisialdiaren diagnostikoa egiteko genero ikuspegitik.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Jaiak guztiek goza ditzaten

Gipuzkoa

Tolosa eta Beasain lotzen dituen Renfeko tren zerbitzua etengo dute abuztuaren 29tik irailaren 1era

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik