Arditurriko Tren Berdeak joan etorriak egingo ditu hilaren 25ean

Arditurriko meategiak bisitatzeko aukera egongo da; bertan lanean aritu zen langile ohi baten argazkiekin erakusketa jarri dute

Erik Gartzia

Oiartzun

2018/07/19

Trenak hiru joan etorri egingo ditu.

Datorren asteazkenean, hilak 25, Arditurriko meategiak bisitatzeko aukera ona izan daiteke. Izan ere, Tren Berdearen zerbitzua eskainiko dute egun horretan, Pagoaldea eta Arditurri lotzeko. Meategiak bisitatzeko bi aukera egongo dira, oinarrizko bisita eta sakonekoa (ikus prezioak behean). Ondoren, buelta egiteko trena hartzeko aukera egongo da. Guztira hiru joan-etorri egingo ditu trenak, 10:00etan, 11:00etan eta 12:00etan. Bueltakoak, berriz, bakoitzaren trena irten eta ordu eta erdi beranduago izango dira. Aldez aurretik erreserbatu beharko da, 943 49 50 69 edo 688 895 068 telefono zenbakietara deituz, edo bertara e-mailez idatzita. Meatzeak bisitatzeaz gain, interpretazio zentroan jarri duten erakusketa ikus dezake bertaraino hurbiltzen denak. Manuel Rodriguez meatzari ohiak atera zituen argazkiak dira, Arditurriren ustiaketaren azkeneko urteetan. Prezioak

Trena eta oinarrizko bisita: bost euro.
Trena eta oinarrizko bisita (1-4 urte): hiru euro.
Trena eta sakoneko bisita: zazpi euro.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.